→ كل الوصفات
بالعادة بحضرها خضرة مع اللحمة هيدي المرة عملتها بلا لحمة..إذا بتحبوا تزيدوا لحمة قلوها بالاول و زيدو الخضار على مراحل..و انا لو بالخضرة بحبها مع رب البندورة بلا البندورة فريش.على كل حال انتوا شو بتحبوا فيكن تزيدوا او تنقصوا.بالهنا والصحة..
المقادير
- 1 علبة معكرونة لازانيا نكهة السبانخ او العادية مثل ما تحبوا
- للصوص الاحمر
- 3 كوسا وسط
- 3 جزر
- 2 بصل
- 2 فليفلة خضراء
- 3 ثوم مدقوق
- 1 وقية فريش مشروم
- 1 وقية بروكلي (إختياري)
- 2 م ك رب البندورة
- 2 م ك خل ملح و فلفل حسب الذوق
- زيت زيتون مع زيت ابيض حسب الحاجة
- 1 كوب ماء او اكثر حسب الحاجة
- صوص البشاميل
- 50 غ زبدة
- 2 م ك زيت ابيض
- 3 م ك طحين
- 1 ثوم مدقوق
- 1 ليتر و نصف حليب
- ملح وفلفل اسود حسب الذوق
- رشة جوزة الطيب
- رشة روز ماري
- 1 م ص اوريغانو
- رشة زعتر بري
- 2 م ك بارميزان
- 0.5 وقية فونديل
- 3 م ك تشدر
- لوجه اللازانيا
- 1/2 كغ موزاريلا
طريقة التحضير
- نقطع الخضار حسب الذوق ونقليها بزيت الزيتون ما عدا البروكلي حتى يذبلوا
- ثم اضيف البروكلي و الثوم اقلب دقيقة ثم اضيف الملح والفلفل ورب البندورة والماء و اتركهم على نار خفيفة يغلو مدة ١٥ دقيقة
- بهذا الوقت احضر البشاميل اضع الزبدة والزيت على النار و اضيف الطحين اقلب دقيقة و اضيف الثوم اقلب ثواني ثم اضيف الحليب
- واضع البهارات وانواع الجبنة واحرك حتى يغلوا اتركهم ٥ دقائق على نار خفيفة واطفئ النار
- ثم ابدأ بطبيق اللازانيا، ادهن البيركس بقليل من الزبدة ثم اضع قليل من البشاميل واصف اللازانيا ثم اضع من صوص الخضرة وفوقها البشاميل ثم اضع اللازانيا و اعيد الخطوات ثلاث او اربع مرات و آخر صف لازانيا اضع فوقه البشاميل فقط و على وجهها جبنة الموزاريلا
- ادخلها فرن محمى مسبقا و عند الغليان اتركها ١٥ و اطفئ الفرن ثم اتركها نصف ساعة قبل التقطيع
- ملاحظة:فيكن تكتفوا بالموزاريلا على وجه اللازانيا و بلا باقي الاجبان
- بالهنا والصحه
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد