→ كل الوصفات

لازانيا باللحمه المفرومه

طريقة عمل لازانيا باللحمه المفرومه سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • باكت لازانيا
  • ½ كيلو طماطم
  • معلقه توم مفروم
  • معلقه زعتر
  • معلقه سكر
  • ¼ كوب ماء
  • لتر ونص حليب
  • 6 معالق دقيق
  • 6 معالق ماده دهنيه
  • معلقه فلفل أسود
  • معلقه ملح
  • معلقتين زيت
  • بصلتين مبشورين
  • جزرتين مبشورين
  • نص كيلو لحم مفروم
  • فلفل أسود
  • بهارات سبعه
  • ½ كوب ماء
  1. هنجيب الطماطم مع التوم مع الزعتر مع ربع كوب الماء ع النار لمده خمس دقايق وبعدين نضربها بالخلاط وترجعها ع النار تانى ونضيف عليها معلقه سكر وتتقل وتتسبك شويه نطفى عليها
  2. وطاسه تسخن ننزل بالزيت والبصل لحد مايدبل نضيف الجزر واللحم المفروم ونقلب يتغير لونها نضيف الفلفل الاسود والبهارات السبعه وبعدين ننزل بالطماطم المتسبكه ونص كوب ماء وتسيبها اربع دقايق ونطفى
  3. ونجهز حله ع النار فيها ٦ معالق سمنه عليهم ٦ معالق دقيق ونحمره دقيقه والدقيق يستوى نضيف الحليب ٦ اكواب ونقلب لحد ماتاخد قوام كريمى ونضيف فلفل أسود ورشه جوزه الطيب وملح ونطفى
  4. ونجهز قالب نبطنه باشميل وبعدين نرص شرايح الازانيا وعليها راق باشميل وراق لحمه مفرومه وبعدين نرص الازانيا وعليها البشاميل واللحمه المفرومه إلى أن تنتهى من شرايح الازانيا نخلى اخر راق البشاميل كله مع اللحمه المفرومه وع الوش طبقه بالجبنه الموتزاريلا وندخلها الفرن على حرارة ١٨٠ لمده ٤٥ دقيقه ونكون مغطيين القالب بورق فويل ويخرجها وبعد نص ساعه نقطعها وبالف هنا
عجبتك الوصفة؟
شوف كل وصفاتنا في مكان واحد
كل الوصفات →