→ كل الوصفات

لازانيا باللحم والجبن

طريقة عمل لازانيا باللحم والجبن سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • علبة لازانيا استخدمت الملكة
  • 1/2 كيلو لحمة مفرومة
  • 2 م سمنه
  • 2 بصله كبيرة
  • 2 طماطم
  • 2م صلصة
  • ملح
  • فلفل
  • 1/4 كوب ماء
  • 5 م دقيق
  • 5 م زبدة او سمنه
  • لبن
  • جبنة مثلثات او كريمي
  • جبنة رومي مبشورة
  • موتزاريلا
  • مكعب مرقه
  1. اول حاجه هنعصج اللحمة.. في حله او طاسة هنضيف معلقتين سمنه وننزل عليها بالبصل مقطع مكعبات صغيرة
  2. هنقلب البصل لحد ما يذبل وبعدين ننزل باللحمة المفرومة
  3. نقلب اللحمة مع البصل لحد ما تستوي ولونها يبقى رمادي ونضيف الملح والفلفل الاسود حسب الرغبة
  4. هنبشر عليها الطماطم وننزل بمعلقتين الصلصة ونقلبهم
  5. هنضيف ربع كباية ماء ونسيبها تتسبك اهم حاجه انها تفضل بعصارتها وچوسي
  6. هنعمل البشاميل.. هنحط السمنه او الزبده تسيح وعليها الدقيق ونقلبهم
  7. نضيف اللبن بالتدريج ونضرب بالمضرب الكهربا ونضيف مكعب المرقه وبعدين الاجبان ونكمل ضرب بالمضرب
  8. مش عايزين قوام متماسك اوي يادوب اول ما يتقل بسيط نطفى عليه
  9. دى اللازنيا اللي استخدمتها سعرها 10 جنيه ومش هنسلقها
  10. في بايركس او صينية هندهن شوية من البشاميل ونحط اول طبقة لازانيا
  11. بعدين ننزل باللحمة المفرومة نفردها وبعدين طبقة بشاميل
  12. وبعدين نكرر ثاني لازانيا ثم اللحمة ثم البشاميل بحيث تكون اخر طبقة هي اللازنيا
  13. هنخلى شوية بشاميل للوجه هنزود فيه الجبن ثاني ونضيفه
  14. هندخلها الفرن تستوي وبعدين نحمر الوجه 5 دقائق بس وبالهنا والشفا 😘😘
  15. ملحوظة.يفضل منحطش جبن اضافى على الوجه فوق البشاميل عشان متتحرقش زي ما عملت معايا 😅.. لو عايزه ممكن لما تطلع وهى ساخنة لسه تضيفى
عجبتك الوصفة؟
شوف كل وصفاتنا في مكان واحد
كل الوصفات →