→ كل الوصفات

-لازانيا باللحم وصوص البشاميل اللذيذ 🍝😋!

الذ وصفه لازانيا تشبه لازانية بوفيهات الاعراس مرره وطعمها خرافيي لازم تجربونها 👌 #لازانيا #مكرونه_بشاميل #معكرونه #معكرونة #اطباق_رئيسيه #مكرونه_لازانيا #المريول_الذهبي

  • شرائح لازانيا غير مسلوقه
  • 1/4-1/8 ك زيت نباتي
  • 1 بصلة كبيرة مفرومة خشن
  • 500-450 غم لحم بقري مفروم
  • 3 م ك معجون طماطم
  • 2 حبه طماطم متوسطة مقشره ومقطعه صغير
  • 1 م ك ملح(قابل للزياده او النقصان حسب الرغبة)
  • 1/2 م ك فلفل اسود
  • ماء
  • 25 غم زبدة
  • 1/4 ك زيت نباتي
  • 7 م ك دقيق ابيض
  • 7 ك حليب سائل (قابل للزياده لو ثقل الصوص)
  • 1/2 م ك ملح
  • 1 م ص فلفل ابيض
  • 1 مكعب مرق الدجاج
  • 1 م ص بودرة ثوم
  • كمية وفيره جبن موتزاريلا
  1. في قدر على النار احمي الزيت وانزل عليه البصل واحمسه الى ان يشقر بعد كذا انزل عليه اللحم والفلفل الاسود واطقطقه كويس واحمسه ايضا الى ان ينضج بعد كذا اضيف معجون الطماطم والطماطم والملح واحمسهم ايضا دقيقتين (عشان اقشر الطماطم سلقتها لمده ١٠ دقيقة بعد كذا حطيتها في الماء بارده وممكن معها ثلج وقشرتها)
  2. بعد كذا انزل على الصلصه الماء واغطي القدر واخليها تتسبك على نار هادئة لمده ١٥-٢٠د (لو حسيتو يحتاج الماء او زيت او ملح او بهارات زيدو)
  3. اخلي الصلصه على جنب وابدا بتحضير البشاميل
  4. بعد كذا في قدر اذوب الزبدة مع الزيت وبعدين انزل عليها الدقيق واحمسه الى ان يتغير لونه شوي (انا تحمر على زياده شوي. انتو خلوه افتح من هاللون+ مع التصوير باين فاتح بس هو اغمق شوي)
  5. اضيف ٤ اكواب من الحليب اولا واقلبهم بسرعه عشان مايتكتل معي واستمر في التحريك الى ان يذوب الدقيق ويثقل الخليط شوي بعد كذا اضيف البهارات وباقي كمية الحليب واستمر بالتحريك
  6. انا في البدايه اضفت ٥ اكواب حليب فقط وعطاني القوام الموجود لكن بعدين زودت كوبين لاني ابي البشاميل خفيف لان اللازانيا مو مسلوقه في انتو من البدايه حطو ٧ اكواب بنفس الطريقه الموضحه في الخطوه العلويه
  7. بعد كذا ابدا ارتب الطبقات اول شي في القاع بشاميل بعدين لازانيا بعدين صلصة اللحمة بعدين بشاميل بعدين جبن موتزاريلا واكرر الطبقات الى ان اخلص كل الكميه (الطبقه الاخيره لازانيا بعدين بشاميل بعدين موتزاريلا)+(استوصو في كمية البشاميل واللحم بين الطبقات والكميةبالنظر يعني الى ان تتعبى الطبقه كامله)
  8. انا سويت الكميةذي في صينيتين الاولى: 27x18 الثانيه: 23x17 تقدرو تسووها في صينية كبيره بس انا لان سويت لبيتنا وبيت عمي قسمت الكميةوتقريبا كل وحده فيها ٤ طبقات
  9. اغطيها بالقصدير واتركها برا تتشرب ٤٠-٤٥ دقيقة بعدين ادخلها الفرن من تحت على درجه حراره ٢٠٠ لمده ٢٠-٢٥ دقيقة بعدين اشيل القصدير وافتح عليها من فوق للى ان تتحمر ١٠-١٥ دقيقة (خليتها برا عشان تطرى اللازانيا وتتشرب المكونات والنكهات بتالي تاخذ وقت اقلً بالفرن عشان ماتنشف وتكون طريه)
  10. وتقدم بالف صحة وعافية ❤️❤️
عجبتك الوصفة؟
شوف كل وصفاتنا في مكان واحد
كل الوصفات →