→ كل الوصفات
#ملك_الجبنة
المقادير
- علبة لازانيا
- لتر لبن
- معلقتين دقيق
- سمنه زيت
- 0.5 كيلو طماطم
- معلقتين صلصة
- كيس موزاريلا مبشورة
- ملح، فلفل، ورق لورى، سكر
- بصل
- 0.5 كيلو لحمه مفرومه
طريقة التحضير
- اهم حاجه في اللازانيا انك هتسلقيها شريحه شريحه
- هنحضر مايه سخنه فيها رشه ملح و معلقه صغيره جدا زيت وننزل بشرايح اللازنيا واحده واحده حوالى ٣ الى اربع دقائق لغايه ما نحس انها اسوت
- نحطهم بعيد عن بعض في طبق علشان ميلزقوش في بعض انا بحط بينهم اكياس بلاستيك بقطعها بشكل مناسب لشرايح
- كده اول خطوه الى هي سلق اللازانيا
- نحضر البشاميل معلقه سمنه عليها معلقتين دقيق و معلقه صغيره ملح ومعلقه صغيره فلفل ونقلب لغايه ما الدقيق يتحمر
- ننزل باللبن بالتدريج ونقلب جدا جدا لغايه ما قوامه يتقل
- نخرجه في طبق يرتاح لغايه ما نحضر الخطوه الى بعدها
- معلقه زيت و ننزل ببصله صغيره مبشورة تتشوح في الزيت و معاها معلقه صغيره ملح و معلقه صغيره فلفل و اللحمه المفرومه
- نعصج اللحمه كويس جداا و بعدين نسيبها ترتاح في طبق تالت لغايه ما نجهز اخر حاجه في الوصفه "الصلصة"
- في الكبه نحط الطماطم و ورق اللورى او ذى ما اتفقنا لو متوفرش كبه يبقى نبشر الطماطم وطحن ورق اللورى
- معلقه زيت عليها بصلةصغيره مبشوره و معلقه صغيره ملح ومعلقه صغيره فلفل ومعلقه صغيره سكر و نقلب كويس لغايه ما البصله تتدبل خالص ننزل بعصير الطماطم
- نقلب كويس و ننزل بمعلقتين الصلصه ونقلب كويس ونزودها كوب ونص مايه و نسيبها تتسبك
- اول لما تتسبك هناخد معلقتين على طبق اللحمه و نقلب
- كده معانا اللازانيا و اللحمه و البشاميل و الصلصه و اهم حاجه الجبنه كتييييييير
- في الحله الى هتحطى فيها هندهنا الاول باشميلعلشان اللازانيا متلزقش و بعدين نعمل الخطوات الى تحت
- طبقة لازانيا /طبقه صلصله/طبقه لحمه/طبقه موتزاريلا كتيييير /طبقة بشاميل ونفضلل نحط طبقات
- العلبه تقريبا هتوصل معاكى لتلت طبقات لو عملتى في حله بايركس او حله مقاس متوسط
- ملحوظات اخر طبقة فوق بتكون لازانيا +بشاميل فقط
- ملحوظات لنجاح الوصفه متبخليش بالموتزاريلا 🤣
- هندخلها الفرن على درجه حراره متوسطه
- ونفتح الشوايه تاخد لون
- وبالف هنا 😍
- نسخ الرابط تمّ نسخ الرابط
- البريد الإلكتروني
- بينترست
- اقرأ المزيد
- اطبع الوصفة اطبع الوصفة
- انسخ النصّ انسخ النصّ
- أبلغ عن الوصفة
- شاهد أخبار وصفتك
- احذف
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد