→ كل الوصفات

لازانيا بصدر الدجاج

#من_القلب

  • 1/2 علبة لازانيا
  • 1 كغ طماطم حب
  • م ك طماطم مصبرة
  • م ك فلفل عكري
  • م ص زنجبيل
  • م ص كركم
  • م ص راس الحانوت
  • ملح
  • زيت
  • صدر دجاجة مرحي
  • ثوم
  • 2 م ك مرغارين
  • 2 م ك معمرين فرينة (طحين او دقيق)
  • 1/2 لتر حليب
  • 3 حبات فرماج (جبنة)
  • ملح
  1. اولا نعمل الصوص في طنجرة نضع الطماطم الحب مرحية و نخليها حتى تغلي و نزيد عليها الثوم مرحي و الطماطم المصبرة و التوابل و الملح و شوية زيت و نخليهم يغلو مليح ثم نزيد الدجاج المرحي و نقلبهم مع بعض ثم نزيد شوية ماء سخون و نخليهم يطيبو حتى ينشف الصوص و يبقى فيه غير شوية ماء
  2. ثانيا نوجدو البيشاميل في كسرونة ندير المرغارين حتى تذوب نزيد الفرينة (طحين) و نقليهم مع بعض ثم نزيد الحليب و تبقى نرحك حتى يثقال ثم نحيها من فوق النار و نزيد الفرماج و نخلط حتى يذوب مليح
  3. ثم نجيب ماء مغلي ندير فيه اوراق لازانيا و نخلوهم شوية غير يطلقو روحهم شوية برك
  4. في مول يدخل للفرن نبدأ نمونطي اولا في قاع المول نفرش بيشاميل ثم طبقة لازانيا ثم طبقة صوص ثم طبقة بيشاميل ثم طبقة لازانيا و نكمل حتى نوصل للاعلي انا درت خمس طبقات كي نلحق للطبقة لازانيا الأخيرة ندير غير طبقة بيشاميل و ندخلها تطيب اي تستوي لمدة من 20 إلى 30 دقيقة و كي ندخلو الموس و نصيبوها طابت نديرو فرماج (جبنة) رابي من الفوق و نشعلو من الفوق حتى تحمر
  5. و درجة التحمار من الفوق حسب ما تحبي و تحب عائلتك انا ما يحبوهاش محروقة
عجبتك الوصفة؟
شوف كل وصفاتنا في مكان واحد
كل الوصفات →