→ كل الوصفات
😋😋😋😋
المقادير
- 12 ورقه لازانيا (6 طبقات)
- صلصه طماطم
- لحم مفروم
- صلصه بيشاميل
- حبن مبشور
- حبه بصل مقطعة
- ملح
- فلفل اسود
- راس الحانوت
- 3 سنينات ثوم
- ملعقه اكل معمره مليح فرينه (طحين)
- ملعقه اكل زبده او مارغرين
- قطعه صغيره جبن ابيض
- 0.5 لتر حليب ساخن
طريقة التحضير
- نطيبو اللازانيا في مامع ملح وشويه زيت مده 7د. ومبعد نغسلوها بما بارد ونحطوها تقطر في كسكاس
- نحضرو اللحم المفروم.في مقلاه نذبلو البصل في 2 ملاعق اكل زيت ومبعد نزيدو اللحم مرحي نرحيو عليه سنه ثوم ونزيدولو ملح وفلفل اسود وراس الحانوت وكيوجد اللحم نحيوه من على النار
- نحضرو البشاميل السريعه: في كسرونه نحطو ملعقه اكل زبده تذوب ومبعد نزيدو ملعقه اكل فرينه (طحين) ونخليوهم تشرب الزبده ومبعد نصبو عليها الحليب الساخن تدريجيا مع التحريك على نار متوسطه. كتبدا تعقد نزيدو شويه ملح وشويه فلفل اسود وقطعه صغيرة جبن ابيض او جبن مثلثاث ونحركو كتعقد نطفيو عليها ونغطيوها بورق ماص وصحن باه مديرش القشره من فوف ونخليوها تبرد
- نحضرو صلصة طماطم نغلي حبات طماطم ونحيلهم القشره ونطحنوهم ونزيدولهم 2 ملاعق اكل زيت و2 سنينات ثوم وملح وفلفل اسود وراس الحانوت وفلفل اخضر حار وملعقه صغيرة طماطم مصبره ونحطوها على النار حتى تطيب اي تستوي من الاحسن تكون نصف سائله
- في مول زجاجي نفرش طبقه من صلصة الطماطم. نحطوفوقها الطبقه الاولى من اوراق اللازانيا ونصبو صلصة طماطم وفوقها اللحم المفروم ونزيدو طبقه لازانيا وطبقه بيشاميل وهكذا وكل منحطو طبقه اوراق اللازانيا نصبو صلصة الطماطم باه تطيب اي تستوي مليح ومدجيش ناشفه ونقفلو بطبقه اخيره من اوراق اللازانيا فوقها طبقه من البيشاميل ونرش الجبن المبشور وندخلها الفرن لمده 40 دقيقه
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد