→ كل الوصفات

لازانيا صنع منزلي 👍😋🧀🧀

#وصفات_الشتاء

  • 2 كيسان فرينة
  • 2 كيسان ونصف حليب
  • 2 ملاعق كبار زيت
  • رشة ملح
  • حبة بصلة
  • حبة حزر مسكرفجة (مفرومة)
  • لحم مفروم
  • 2 حبات طماطم
  • ملعقة كبيرة طماطم مصبرة
  • 3 سنينات ثوم
  • زعيترة
  • ملح
  • فلفل اسود
  • ملعقة صغيرة عكري
  • صلصة البيشامال(موجودة في الصفحة)
  • جبن مبشور
  1. ✨نحضر اوراق اللازانيا: نخلط كل من الحليب، الفرينة، الزيت والملح بالضراب اليدوي
  2. ✨نحضر مقلاة تيفال ندهنها بالزيت ونبدا نطيب كيما اي مثل ليكراب
  3. ✨نكمل طيب كل الخليط بنفس الطريقة
  4. ✨نحضر الحشو: في مقلاة نحط شويا زيت ونقطع البصل مربعات صغار ونقلي مع جزرة مسكرفجة (مفرومة) واللحم المفروم
  5. ✨كي يتقلاو بعدها نسكرفج حبتين الطماطم ونضيف الطماطم المصبرة وسنينات الثوم مع الزعيترة ونضيف الملح، الفلفل الاسود والعكري ونخلي الكل يتقلى وبعدها نضيف نصف كاس ماء ونخلي يتشرب ونطفي عليه
  6. ✨في مول يدخل للفرن ندهنو بالبيشامال وبعدها نفرش أوراق اللازانيا
  7. ✨نحط الحشو فوق اللازانيا
  8. ✨وبعدها نوزع فوق الحشو البيشامال
  9. ✨نكمل بنفس الطريقة حتى نكمل الطبقات ،انا عملت ثلاث طبقات وفي الاخير نوزع البيشامال وفوقها الجبن المبشور
  10. ✨ندخل المول للفرن لكي يتحمر فقط لأنو كلشي طايب
  11. ✨ونقدم اللازانيا بالصحة والهنا
عجبتك الوصفة؟
شوف كل وصفاتنا في مكان واحد
كل الوصفات →