→ كل الوصفات
#الشيف_الذهبي ( وصفة بنييييينة بامتياز يموت عليها وليدي درتهالو فرح بيها بزاف وسمع ولاد الحومة ڨع ملفرحة 😃😃😃
المقادير
- علبة لازانيا
- نحتاج صلصة البولوناز فيها
- 500 غ لحم مفروم
- 3 حبات طماطم مرحية
- ملعقة اكل طماطم علب
- بصلتان متوسطتان مفرومتان
- 4 فصوص ثوم مفروم
- ملعقتين اكل زيت
- ملعقة اكل ملح
- ملعقة صغيرة فلفل اسود
- ملعقة اكل عكري
- اعراف زعيترة
- نحتاج ايضا البيشاميل
- لتر حليب
- ملعقتين كبار زبدة
- ملعقتين كبار فرينة
- فص ثوم
- رشة ملح
- رشة فلفل اسود
- 100 غ جبن ابيض
- نحتاج ايضا حسب الرغبة جبن مبشور انا نخلط جبن شيدار وجبن البيتزا
طريقة التحضير
- بسم الله في الأول نحضر الصوص نقلي اللحم مع الزيت حتى ياخد لون ونزيدلو البصل ونخلطو حتى يدبال ومن بعد الطماطم بنوعيها والتوابل ونخلط ونزيد الماء ونخليها تطبخ نصف ساعة وتكون الصلصة متوسطة ما عاقدة بزاف ما خفيفة
- في نفس الوقت نوجد البيشاميل ندير الزبدة تدوب في كسرونة ونزيدلها الفرينة ونخليها تتحمص شوية ونزيدلها الحليب والملح والفلفل اسود ونحركهم حتى تعقد متكونش عاقدة بزاف ونزيدلها الجبن الابيض
- نجيب بلاتو الفرن ابعادو 30/25 ونبدا في الأول ندير ملعقة لي نسقو بيها صلصة ونزيد فوقها ملعقة بيشاميل ونحط طبقة من اوراق اللازنيا كيما راهي من الغابة مباشرة بلا ما نغليها ونزيد فوقها طبقة صلصة وبيشاميل وجبن مبشور كما في الصورة ونزيد نكمل هكدا ثلاث او أربعة طبقات حسب علو البلاطو وفي الطبقة الاخيرة منديرش الصلصة ندير الا البيشاميل والجبن
- في الاخير نغطيها لزرق الالمنيوم وندخلعا الفرن على 200د وبعد نصف ساعة ننزع الورق باش تنشف وناخد لون انا خليتها لانهم ميحبوهاش محمرة ملاطظة كي تخرجيها متقسميهاش مباشرة راح تهبط متشدش روحها خليها عشرين دقيقة وقدميها ولا ابنن
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد