→ كل الوصفات
طريقة اللازانيا بالتفصيل 😻😻💕💕💕😋
المقادير
- معكرونه لازانيا الملكه الاحسن تجيبولازانيا مش بتتسلق
- 1/2 ك لحمة مفرومه او اقل شويه
- عصير طماطم
- صلصه معلبه
- بصله مبشوره في الكبه
- رشة جوزه الطيب
- ملح وفلفل اسود حسب الرغبة
- م ص اي بهارات انتو بتحبوها
- سمنه بلدي او زبده بلدي
- لبن سايب مش معلب
- 4 معالق كبار دقيق
- جبنة موتزاريلا استخدمت دومتي
طريقة التحضير
- اول حاجه نعصج اللحمة نجيب ملعقة كبيره سمنه بلدي ونحط البصله المفرومه بعد كده اللحمة المفرومه ونحط البهارات بتاعتنا انا حطيت بهارات اللحمة و فلفل اسمر وملح ورشة جوزة الطيب صغيرة بتدي طعم حلو لحد م لونها يتغير كده نخفف عليها
- ونحط معلقتين كبار صلصة معلبه ونقلبهم ونعمل عصير طماطم حوالي 3 واحدات متوسطه او 4 ونحط ونقلبهم ونسبهم تتسبك بس متتسبكش اوي سيبي حبه صلصة حلوين عشان اللازانيا تستوي واللحمه متنشفش
- نيجي للبشاميل بقى معلقتين سمنه او ملعقة ونص ونجيب 4 ملاعق الدقيق ونحمرهم في السمنه ونقلب لحد م يبقى كريمي كده ونحط اللبن على حسب م البشاميل يتظبط معاكي ومش عايزينه تقيل يكون خفيف شويه كده يبقى متماسك بس وتحطي فلفل اسمر
- نجيب بقى صينيه مستطيله نحط شويه بشاميل بعد كده 4 واحدات لازانيا ونحط لحمة ونحط جبنة موتزاريلا و 4 وحدات لازانيا ونحط بشاميل بعد كده لحمة بعد ككده شويه جبنة موتزاريلا ونكرر لحد م يبقوا 4 طبقات ميقلش عن 4 وتسيبي شويه بشاميل حلوين للوجه ونحط بقى جبنة موتزاريلا على الوجه كده
- وندخلها الفرن نص ساعة او ساعة الا ثلث على حسب الفرن انا عملتها على نار متوسطه وتكوني مسخنه الفرن وبعد م تستوي حطيها على الشوايه تأخذ وجه كده بس وبالهنا 💛😋 جربوها ومستنيه رأيكو 💛💛
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد