→ كل الوصفات

لازانيا

#المرور_الثالث صح عشاكم😘

  • حبة بصل صغيرة
  • 3 سنينات ثوم
  • حبة طماطم كبيرة
  • 1/2 ملعقة كبيرة طماطم مصبرة
  • ملعقتين صغيرتين فلفل عكري
  • ملح
  • 3 ملاعق كبار زيت
  • ملعقة صغيرة كمون
  • ملعقة صغيرة كزبرة مرحي
  • ملعقة صغيرة كراوية
  • 1/4 ملعقة صغيرة فلفل اسود
  • 1/4 ملعقة صغيرة قرفة
  • 250 غ دجاج مرحي
  • زعيترة +ورقة رند (غار)
  • ملعقة و نصف مارغرين
  • ملعقة و نصف فرينة (طحين او دقيق)
  • قرصة ملح +نصف حبة جوزة الطيب مسكرفجة (مفرومة)
  • 2 كيسان حليب
  • 10 حبات فرماج (جبنة) المثلثات
  • حبة باذنجان كبيرة
  • فرماج (جبنة) مسكرفج
  • 10 قطع فرماج (جبنة) المربعات (السندويش)
  • كمية من أوراق لازانيا(حوالي 15 ورقة حسب حجم المول)
  1. حضري المكونات
  2. اولا قومي بتحضير الصلصة ضعي الزيت و طماطم مصبرة و الثوم و كي يتقلاو ضفي البصل و طماطم مسكرفجة (مفرومة) و الفلفل عكري و خليها تتقلى 5 دقائق ثم ضفي الدجاج مرحي و حرحريه مليه و ضفي الملح و التوابل و الرند و الزعيترة و خليه 3 دقائق و مرقيه شوية و خليه يطيب (لازم تكون فيها القليل من المرق مالازمش يجي ناشف)
  3. ثم قشري الباذنجان قطعيه مكعبات و ملحيه و اقليه
  4. ثانيا حضري اللازانيا سخني الماء و حطي فيه اوراق اللازانيا بالدفعات و خليهم مدة 5 دقائق ثم نحيهم (نبعدهم) و حطيهم في ماء بارد لمدة دقيقة او دقيقتين ثم خليهم يقطرو
  5. ثالثا حضري صلصة البيشاميل في كسرونة حطي المارغرين و الفرينة (طحين) والملح و جوزة الطيب و خلطي ثم ضفي الحليب و خلطي حتى تتقال شوية ثم طفي النار و ضفي الفرماج و خلطي باش يذوب
  6. ادهني صينية الفرن بالزيت و ضعي كمية من الصلصة وعليها ستفي أوراق اللازانيا وضعي كمية من البيشاميل والباذنجان ثم اللازانيا ثم الصلصة والباذنجان ثم فرماج (جبنة) المربعات و اللازانيا و اخيرا البيشاميل و الجبن المبشور و دخليها لفرن مسخن من قبل على 180 درجة حتى طيب ثم حمريها من الفوق و قدمبها
  7. شهية طيبة
عجبتك الوصفة؟
شوف كل وصفاتنا في مكان واحد
كل الوصفات →