→ كل الوصفات

لازانيا 🇮🇹

وصفتنا من المطبخ الايطالي وناس كتير بتحبها وهتعجبكم جدا بإذن الله ❤️

  • 2 م ك زيت زيتون او زيت نباتي
  • 2 بصل مفروم
  • 2 فلفل اخضر رومي او هالبينو
  • 1/2: 1 ك لحمة مفرومة
  • علبة مكرونة لازانيا
  • 4 حبات ل 5 ثوم مهروس (ع حسب كمية اللحمه المفرومة المستخدمة)
  • ملح وفلفل اسود حسب الرغبه
  • رشة ريحان مجفف
  • 1/2 م ص زعتر
  • 1/4: 1/2 م ص شطة او فلفل احمر مجفف مجروش
  • صوص بشاميل خفيف لو ف حاله اللازانيا مش بتتسلق
  • عصير طماطم او علبة صلصة
  • كوب جبن شيدر مبشور وموزاريلا مبشورة
  • علبه جبنة ريكوتا (اختياري)
  1. قبل اي حاجه عندي ملحوظة عايزة اقولك لما تجيبي علبة لازانيا بصي عليها وشوفي هل هي بتتسلق ولا لأ لأن ف انواع مابتتسلقش في حالة انها مابتتسلقش لما تيجي تعملي بشاميل كتري الحليب علشان لما تحطي شرايح مكرونة لازانيا تقدري تمتص سوايل اللي ف بشاميل و اللحمة المفرومة
  2. لو في حاله هتسلقي هتمشي ع حسب خطوات المكتوبه في العلبه وتطلعيها بعد ماتتسلق ع صينيه كبيرة علشان تفرديها عليها بدل ماتحطيهم فوق بعض ويلزقوا ف بعض رصصيهم جنب بعض وممكن تخلو صينيه ممسوحه زيت خفيف
  3. في حلة فيها زيت زيتون او نباتي هنحط البصل والفلفل ولما يبدأوا يدبلوا ننزل بالتوم ونخلط وبعدين ننزل باللحمه المفرومه ونقلب ولما لونه يتغير ويبدا يستوي انزل بالتوابل اللي عندي واخلطهم كويس وبعدين صلصة واقلبهم واسيبها ع نار هاديه تغلي وتتسبك واقفل عليها
  4. وع جنب اعمل صوص بشاميل بطريقه اللي تحبيها بس هنراعي بس فكره ان لازانيا مسلوقة ولا لأ زي ماقولت ف الملحوظة اللي فوق
  5. هنجيب صينيه وندهنها بصوص بشاميل ف الاول وبعدين ارص شرايح لازانيا طبقات ولو في متكسر رصصيهم ف الجوانب الفاضيه وبعدين احط اللحمه المفرومه وافردها و بعدين شرايح اللازانيا وبعدين صوص بشاميل وافرد جبنه ريكوتا عليهم وبعدين شرايح لازانيا وبعدين اللحمه المفرومه وبعدين لازانيا واحط باقي بشاميل فوقها و اغطيها بورق فويل وادخلها الفرن متسخن لحد ماتستوي واتاكد انها استوت بالخله هلاقيها بتدخل لحد الاخر تبقى استوت ومش ناشفه وبعدين اطلعها من الفرن
  6. و احط الجبن عليها من فوق وادخلها الفرن واشغل الشوايه تاخد لون وتسيح جبنه واطلعها واقدمها وبألف هنا ♥️
عجبتك الوصفة؟
شوف كل وصفاتنا في مكان واحد
كل الوصفات →