→ كل الوصفات
طريقة عمل لازانيا سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- باكيت مكرونة لازنيا
- ½ كيلو لحم مفروم
- 3 بصلة
- 3 فص توم
- 4 طماطم
- 3 م ك صلصلة طماطم
- 3 م ك صوص باربيكيو
- ملح فلفل أسود
- م ص توم وبصل باودر
- م ك بابريكا
- لتر لبن
- 4 م ك دقيق
- ½ علبة قشطة
- مرقة دجاج
- مكعبين زبدة
- معلقتين زيت
- رشة جوزة طيب
- ملح فلفل أبيض
- موزاريلا وشيدر
طريقة التحضير
- ننزل البصل والتوم في الطاسة علي زيت ونضيف ليهم البهارات وبعدها ننزل باللحم المفروم
- لما اللحمة المفرومة تبدأ تستوي، افرم الطماطم في الخلاط وانزلها عليها واقلبهم كويس
- أضيف الصوص باربيكيو مع صلصة الطماطم مع بعض على جنب وعليهم رشة توم وبصل باودر وأقلبهم وانزلهم على خليط اللحمة واغطيه واسيب الخليط كله يتسبك
- لتحضير البشاميل بنزل الدقيق على النار يدوب ريحته تبدأ تتغير وانزل بالزبدة وملعقتين زيت وأقلبهم وانزل باللبن تدريجي ومعاهم هنزل البهارات والقشطة والمرقة مع مراعاة ان خليط البشاميل هنا ميكنش سميك
- بدهن صينية بالبشاميل وبعدها الترتيب اني بنزل المكرونة وبعدها بشاميل ثم خليط اللحم وموزاريلا ومكرونة وهكذا مع مراعاة ان اخر طبقة اكون بشاميل وارش علب الوش خليط من الجبن وادخلها الفرن وبعد كده اديها وش شواية
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد