→ كل الوصفات
#تحدي-يوميات-رمضان
المقادير
- باكيت لازانيا
- معلقتين كبار زيت زيتون
- ½ كيلو لحمه مفرومه
- رشه ملح
- رش فلفل اسود
- سنين توم مهروس
- حبتين بندورة مبشورة
- 3 معالق معجون بندورة
- ريحان
- اوريغانو
- اعشاب ايطاليه
- شويه مي
- ½ قالب زبده
- 3 معالق كبيرة ونص طحين
- كوب حليب سائل
- كمان كوب حليب سائل
- ملح
- فلفل ابيض
- رشه جوز الطيب
- جبنه موزاريلا
طريقة التحضير
- بسلق باكيت اللزانيا مع مي مغليه وملح ونقاط من الزيت ،وعلى صينيه مدهونه زيت بفرد القطع لحتى اطبق اللزانيا. هلا بجهز صوص اللحمه بحط زيت زيتون مع اللحمه بشوحها ،وبحط ملح وفلفل اسود والتوم المهروس وبضيف البندورة ومعجون البندورة ،وبحط الاوريغانو والاعشاب الايطاليه ،وريحان ،وبحط شويه مي مشان تتسبك ،على نار هادئه
- بجهز صوص البشاميل بدوب الزبده وبحمص الطحين فيه وبنزل عليه كوب حليب وبحرك وبضيف الكوب الثاني وبحرك وبضيف الملح والفلفل الابيض ورشه جوز الطيب. بحضر البايركس بدهنه زبده وبضيف كميه من البشاميل وصوص اللحمه ،وثم اللزانيا وطبقه من البشاميل واللحمه ،ورشه اوريغانو وموزاريلا وبدخلها الفرن بتسويها بعدين بحمرها وبقدمها وصحتين والف هنا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد