→ كل الوصفات
طريقة عمل لازانيا سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- 0.5 كيلو لحمة
- 2 حبة بصل متوسطة
- 0.5 كيلو بندورة
- فلفل اسود
- ملح
- زعتر ناشف (اوريغانو)
- ملعقتين دبس الرمان
- جبنة مبروشة
- خبز مقلي ومطحون بشكل متوسط او قرشلة مطحونة
- شرائح اللزانيا
- 3 ملاعق كبيرة طحين
- زيت يتناسب مع كمية الطحين
- 4 كوب الحليب
- صلصة بيشاميل
طريقة التحضير
- نقلب اللحمة المفرومة مع البصل حتى يستوي
- نضيف البندورة والملح والفلفل وبهارات مشكلة والزعتر الناشف نضيفه قبل ما نطفي عليها بشوي..وبنضيف دبس الرمان
- بنعمل صلصة البشاميل.بنحط 3 ملاعق كبيرة طحين وزيت يتناسب مع كمية الطحين بحيت يصير متل المعجون وبس نقلبهم شوي عالنار بنضيف الحليب البارد وبنخفقهم حتى تصير ثقيلة ومتماسكة..(اذا كانت الصلصة خفيفة زيدي طحين واذا كانت ثقيلة كتير ضيفي حليب)..بنضيف قطعة زبدة عالصلصة ومكعب ماجي وشوي فلفل اسود
- نحضر صينية حفتها عالية حتى تاخد اللزانيا راحتها
- بنحط السائل اللي طلع من اللحمة والبندورة بالارضية للصينية..وبنصف اللزانيا (انا بفضل ما اسلق اللزانيا مسبقا حتى تشرب السوائل وتستوي فيها
- بعد ما نصف قطع اللزانيا بنضيف من اللحمة والبندورة عليها حتى نغطيها..وبعدين بنحط عليها من البشاميل وبنرجع نحط قطع لزانيا حتى تنتهي كمية اللحمة
- بنغطي اخر طبقة من اللزانيا بباقي كمية البشاميل
- بنغطي وجهها بالجبنة والخبز او القرشلة المطحونة
- بنحطها بالفرن حتى تستوي وتتحمر ونتأكد انه قطع اللزانيا استوت
- بنطلعها ونتركها تبرد شوي حتى تتماسك..وصحتين وهنا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد