→ كل الوصفات

لازانيا 🍝♥️

طريقة عمل لازانيا 🍝♥️ سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • 12 قطعه مكرونه لازنيا (3 راق كل راق هياخد 4)
  • 0.5 كيلو لحمه مفرومه
  • معلقتين صلصه
  • بصله متقطعه صغير
  • معلقتين دقيق
  • 0.5 كيلو لبن
  • جبنه موزاريلا
  • مياه
  • توابل
  • فلفل اسود
  • جوزة الطيب او زعتر
  • بابريكا
  • بصل بودر
  • توم بودر
  • كمون
  • السبع توابل
  1. اول حاجه هنسلق المكرونه و لازم في حاجه واسعه زى الصينيه و فيها مياه مغليه و نقطه زيت و رشه ملح و تعمليها واحده واحده عشان ميلزقوش في بعض
  2. كل واحده بتاخد ٥ دقايق عشان بتكون نص سوى و تكونى مجهزه طبق في مياه بارده و تحطى فيه الازنيا و هكذا و انا حطت برضه بين كل واحده و واحده كيس بلاستيك
  3. بعد كده هجهز اللحمه المفرومه هسخن الطاسه و احط فيهل اللحمه من غير زيت او سمنه هخلى اللحمه هي تنزل الدهون اللى فيها و اسبها ١٠ دقايق و بعدين احط عليها البصله و اسبها تستوى و بعدين معلقتين الصلصه و نص كبايه مياه و التوابل
  4. البشاميل هحط معلقه سمنه و عليها معلقتين دقيق و اقلبهم كويس و بعدين اللبن و لو عندك جبنه كريمى حطيه افضل اقلب كويس و بعدين اخففه بالمياه و اظبطلها الملح و شوفى على حسب السمك اللى عايزاه
  5. هجيب البايركس احط الاول بشاميل و بعدين اللازنيا و بعدين اللحمه المفرومه و بعد كده هحط راق لازنيا و فوقيه البشاميل و فوقيه الجبنه المزاريلا و بعدين اللحمه المفرومه تانى و بعدين راق اللازنيا و البشاميل و في الاخر الموزاريلا
  6. ادخلها الفرن تقريبا نصف ساعه وبالهنا والشفا ♥️
عجبتك الوصفة؟
شوف كل وصفاتنا في مكان واحد
كل الوصفات →