→ كل الوصفات
ينهار ابيض على جمال اللازنيا انا من مدمنين حاجه اسمها لازانيا والوصفه دي لازنيا باللحمه المفرومه وصفه حلوه ومختلفة وهتعجبكو جدا .. 👌❤
المقادير
- 0.5 لحمه مفرومه
- 0.5 كيلو مكرونه اللازنيا
- بصلتين مفرومين فرم ناعم
- 0.5 معلقه ثوم مهروس
- 0.25 كوب زبده
- ملعقه بقدونس مفروم
- ملعقه زعتر ناشف
- 0.5 كيلو طماطم ونفرمها عصير
- معلقين صلصه
- وللبشاميل يضاف
- ملعقتين زبده
- اربع ملاعق طحين
- 2 كوب لبن
- شويه ملح
- رشه جوزه الطيب لو حبيتو
- نص كوب جبنه موتزريلا
طريقة التحضير
- نحط الزبده في طاسه على نار واول ماتسخن نحط البصل ونقلب لحد مايقلب لونو ذهبي كده وبعدين نحط الثوم واللحمه المفرومه ونقلبهم 8 دقايق كده
- يضاف ليهم البقدونس والزعتر وعصير الطماطم والملح والفلفل ونغطى ونسيبهم حبه على نار هاديه مده عشر دقايق
- نبتدي نعمل البشاميل بقي نحط الزبده هلى النار لحد ماتدوب ونحط عليها الطحينه ونقلب خمس دقايق وبعدين نضيف اللبن واحده واحده ونقلب كويس عشان ميتكتلش مننا ونتبل بقي بشويه ملح وفلفل وجوزه الطيب ونضيف الموتزريلا ونقلب وبعدين نطفى
- المكرونه طبعا اتسلقت.تجيبي الصينيه وتفردي طبقه بشاميل وفوقيها مكرونه وفوق المكرونه اللحمه المفرومه وفوق اللحمه المفروم طبقه بشاميل تاني وهكذا.. وتحطي اخر حاجه طبقه بشاميل وعلى وشها رشي موتزريلا بقي وفى الفرن تتساب تلت ساعه كويس ليها وبالهنا والشفا 👌❤😍
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد