→ كل الوصفات
جميلة سهلة خفيفة وتنفع في العزايم
المقادير
- 0.5 علبة لازنيا(حسب افراد الاسرة)
- كيلو فراخ بانيه مقطع مكعبات
- 2 فلفل رومي
- 1 بصلة كبيرة مقطعة جوانح
- ملعقة صغيرة ملح
- ملعقة صغيرة فلفل اسود
- نص ملعقة صغيرة بهارات سبع
- رشة قرفة
- 1 مكعب ماجي
- كوب عصير طماطم
- للبشاميل
- 5 ملاعق دقيق
- 5 ملاعق سمنة
- ملعقتين زيت
- لتر لبن
- 1 مكعب الماجي
- ملعقه صغيره ملح
- رشه فلفل اسود
- ماء للغلي
- زيت
- ملح
- للوجة
- جبنة رومي مبشورة
- جبنة موتزاريلا
طريقة التحضير
- اول حاجة بنسلق الازنيا نصف سلقة بنجيب حلة نحط فيها ماء مغلية وملح وشوية زيت تغلي نسقط الازنيا دقيقتين ونطلعها بعيدة عن بعض وبعدين نعمبل الشاورما نجيب طاسة فيها زيت ونعمل صدمة للفراخ نشوحها وننزل بالبصل والفلفل الرومي ونقلب ننزل بالماجي وعصير الطماطم والبهارات بتاعتي كلها ونقلب فيها لحد مالفراخ تستوي بس فيها صوص
- بنعمل البشاميل بنحط السمنة والزيتوعليهم الدقيق يتشوحوا شوية ننزل باللبن ونقلب عشان مايكلكعش ونحط الماجي والملح والفلفل الاسود لحد ما الخليط يتقل نقفل عليه
- نكون الصينية نحط طبقة بشاميل وبعدين نرص الازنيا ونحط الفراخ بالصوص وعليهم كبشة بشاميل وشوية جبن ونرص تاني طبقة تاني لحد ما الصينية تتكون ونرش الجبن فوق الوجه ندخلها على فرن سخن ونسيبها لمدة 45 دقيقة ونشغل الشواية تأخذ لون ونخرجها ونقطعها ونقدمها
- والف هنا وشفا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد