→ كل الوصفات
وصفة حلوه ولذيذه وخفيفه وطعمها روعة هتعجبكم جداً بإذن الله ❤️
المقادير
- 1/2 كوب سمنه باردة (100 جرام)
- 3/4 كوب سكر بودرة (90 جرام)
- بيضة صغيرة بحراره الغرفة
- 1/2 (1 كوب) دقيق (190 جرام تقريباً)
- 1/2 م ص بيكنج بودر
- 5 م ك نشا (40 جرام)
- م ص فانيليا (5 جرام)
- مربى او صوص شوكولاته كميه حسب الرغبه
- فارمسيل او جوز الهند او مكسرات مجروشه كميه حسب الرغبه
طريقة التحضير
- في بولة احط سمنه واضربها بالمضرب الكهربائي علشان سمنه تذوب وتبقى كريمي نوعاً ما وبعدين انزل بالسكر البودرة هنخفق تاني بسيط ونلم الجوانب علشان نتاكد ان خليط سكر وسمنه اندمجوا وبقوا قوام واحد مجرد ما لون يفتح درجه اوقف الضرب
- هنزل بالبيضة و الفانيليا وارجع اخفق تاني لحد ما بيضة تختفي تماماً بس ماتبلغيش اوي في الضرب مجرد ما البيضه تختفي توقفي الخفق
- وبعدين اجيب مصفاه واحط عليها مكونات الجافه وانخل الدقيق والنشا و بعدين نلم من تحت بالسباتولا وبنعمل بالسباتولا خبطات سريعه في العجينه علشان النشا ودقيق يكونوا اندمجوا كويس اوي مع سمنه وسكر وبيض
- بعد كده هنلم العجينه بايدينا كويس اوي لو احنا في صيف هتلاقي العجينه بتلزق في ايديكم من لو في شتا هتلم بسرعة وبعد مانلمها نغلفها برول استرتش او في كيس وندخلها تلاجة نصف ساعة او ساعة لحد ما تبقى العجينه دي متماسكه وتبقى سهلة تشكيل
- هنشكل العجينه الى كرات قد بعض لو عندك ميزان حطي كرة على ميزان هتلاقيها 5 جرام وارصصهم صينيه مدهونه سمنه خفيف واغلفهم بالرول استرتش و ادخلها في ثلاجة ساعة قبل الخبز
- وفرن يكون متسخن لمده 15 دقيقة على درجه حراره 160° واحطه في رف الاوسط وافتح عليه من تحت ويقعد حوالي لمده 10 دقائق ومش بنشغل شوايه لانه مش بيتحمر من فوق هو يدوبك بياخد لون ذهبي خفيف شوية من تحت
- ولما يهدى خالص ابدأ ألزقه بصوص شوكولاته او مربى ويفضل شوكولاته لان مربى بطري لانكشير اجيب قطعه احط عليها صوص والزق قطعه تانيه فيها ومن جوانب هتلاقي صوص من ضغط خارج نلزق في جوانب دي فارمسيل او جوز الهند وتقدري تحطيه على ورق ميني كب كيك وتحطيه في علب تقديم وبألف هنا ♥️
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد