→ كل الوصفات

لحمة بارده 😍

طريقة عمل لحمة بارده 😍 سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • 1/2 كيلو لحمة مفرومة
  • 2 بصلة متقطعه
  • فصين ثوم
  • بقدونس
  • 2 معلقه كبيره نشا
  • ملعقة صغيرة فلفل اسود + بابريكا مدخنه + بهارات لحمة + كمون + كاري
  • معلقه كبيره صويا صوص اختياري
  • 1 طماطم متقطعه
  1. نجيب اللحمة المفرومه ونحط عليها التوابل كلها والبصل والصويا صوص والبقدونس والطماطم ومعلقه صغيرة ملح والثوم ونقلب كله مع بعض
  2. نكون محضرين الكبه نأخذ المكونات كلها ونضربها في الكبه لحد ما تبقي قوامها ولا خشن ولا ناعم يكون وسط حلو
  3. نشيلها من الكبه ونحط عليها النشا ونقلبها كويس
  4. نحضر كيس شفاف عادي ونفردها عليها ونلفها زي عامود كدا وبعدين نحطها في الفريزر حوالى ساعة ونص لساعتين
  5. نطلعها من الفريزر تكون مسكت نفسها كويس ونقوم حطينها في ورق فويل ونلفها نفس اللفه وهي في كيسها عمود كدا
  6. نحضر صينية ونحط فيها كوباتين مياه مغلية وبعدين نحط فيها ورقه اللحمة
  7. نولع الفرن على ٢٠٠ درجه ونحط الصينية ونغطيها لمده ساعة لساعه ونص تستوي وبعدين نشيلها ونطلع اللحمة ندهنها زيت ونحطها تحت الشوايه تأخذ لون او نحمرها بسمن في الطاسة
  8. وبعدين نقطعها زي الصوره كدا وبالهنا والشفا
  9. ناكل جنبها طحينه وسلطه ومعكرونه بتبقي تحفه٠٠ 😍😍❤️
عجبتك الوصفة؟
شوف كل وصفاتنا في مكان واحد
كل الوصفات →