→ كل الوصفات

لحم مفور مع الأرز بنيييين وصحي 😍😍😍

وصفة رائعة بنينة بزاف جربوها ما تندموش

  • قطع لحم حسب الرغبة (انا استعملت حوالي رطل)
  • حبة بصل صغيرة مفرومة
  • 3 فصوص ثوم
  • كزبرة خضراء مقطعة
  • بقدونس مقطع
  • ملعقة كبيرة خل
  • ملعقة كبيرة زبدة طرية
  • ملعقة كبيرة موتارد (خردل)
  • ملح
  • فلفل اسود
  • كزبرة
  • رأس الحانوت
  • فلفل احمر حلو وحار
  • رشة كركم
  • زعيترة
  • ورق غار (رند)
  • 0.5 كأس أرز بسماتي
  1. نحضر اللحم نقطعو قطع متوسطة، نحضر خليط التوابل نمزجها كاملة مع بعض ثم نبدأ نتبل اللحم بالقطعة حتى نكملو كامل نحطو في وعاء زجاجي يكون غامق،
  2. نلف الوعاء ببلاستيك غذائي ونحطو في الثلاجة على الأقل ساعتين،
  3. بعد مرور ساعتين او اكثر نحط الوعاء كما هو في كسكاس ونغطي الكسكاس مليح ببلاستيك غذائي ثم بورق الألمنيوم ونحطو يفور، على الأكثر 5ساعات على حسب نوعية اللحم وحجم القطع انا اخذلي 3ساعات طهي، حطيه يفور وكل ساعة تفقدي الماء فالبرمة اذا لقيتيه نقص زيدي وبعد مرور 3ساعات شوفي اللحم اذا لقيتيه طاب نحيه واذا مزال خليه يكمل طياب،
  4. انا بعد مرور 3ساعات لقيت اللحم تاعي طاب نحيتو وكان وقت لعشا مزال عاودت لفيتو في بلاستيك غذائي وفي ورق الألمنيوم ورجعت حطيتو فالكسكاس على نار قلييييلة باه يبقالي سخون،
  5. وهذاك المرق لي بقالي في الوعاء كيلتو جاني كأس مملوء حطيتو في كوكوت وحطيت عليه نصف كأس أرز وغلقت عليه الكوكوت (الطنجرة) على نار قليلة حوالي 10 دقائق حتى 12 دقيقة،
  6. فتحت عليه وقدمتو مع اللحم وشهية طيبة
عجبتك الوصفة؟
شوف كل وصفاتنا في مكان واحد
كل الوصفات →