→ كل الوصفات
في ناس بتحب تسلقها نص سلقة قبل ما تدخلها الفرن، بس انا مش بسلقها و بعتمد على الصوص انه يسويها و بتطلع حلوة جدا
المقادير
- علبة لزانيا 300 جرام علبة و نص لو العلبة 250 جرام و على حسب حجم و عمق البايركس برضه
- جبنة موزاريلا و شيدر و بارمزان مبشورين و ممكن الاكتفاء بالموزاريلا بس
- 500 جرام لحم مفروم بنعصجها بالطريقة العادية
- المشروم (حسب الرغبة) نقطع المشروم شرايح و نشوحه في معلقتين زبدة لغاية ما لونه يتغير و نشم ريحته
- البشاميل الخفيف طريقة البشاميل العادية بس المختلف ان احنا بنزود كمية اللبن عشان البشاميل ميبقاش تقيل احنا محتاجينه يكون صوص ابيض خفيف عشان اللزانيا تستوي
طريقة التحضير
- نجيب البايركس نحط فيه شوية بشاميل و نغطيه بشرائح اللزانيا
- بعدين نحط اللحمة بالماية اللي معاها و بعدين المشروم
- بعدين نرش الجبن و بعدين نحط بشاميل تاني يغطي الطبقة دي و نكرر الطبقات بنفس الطريقة
- آخر طبقة بتكون شرايح اللزانيا و فوقها البشاميل و نغطي الوش بالجبنة و زيتون شرائح حسب الرغبة
- نكون مسخنين الفرن من قبلها و ندخلها فيه على درجة حرارة 180c لغاية ما تستوي لمدة ساعة الاربع تقريبا بس منسبهاش لغاية ما الوش اتحرق عندي كده 😂 تاخد اللون الدهبي و نطلعها و الف هنا 😌
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد