→ كل الوصفات
بسكويت حبات القهوة من البسكويت اللذيذ والبسيط في التحضير والتشكيل بحب اعمله دايماً جنب الشاي أو القهوة☕ طعمة لذيذ 😋جربيه إنتي كمان لو لسه مجربتهوش هيعجبك جداً 🥰❤️ #مريولي_باسمي #العلاج_بالطبخ #العلاج_بالخبز #الطبخ_مؤنس_الوحدة
المقادير
- 1 وربع كوب دقيق
- 1/4 كوب نشا
- 2 ملعقة كبيرة كاكاو خام
- 1/4 كوب زيت
- 1/4 كوب زبدة مذابة
- 1/2 كوب سكر
- 1 كيس فانيليا
- 1 ملعقة صغيرة قهوة سريعة الذوبان
- 1 بيضة
طريقة التحضير
- أولاً جيبي الخلاط الكهربائي وحوطي فية الزيت والبيضة والسكر والفانيلا والزبدة المذابة وإخلطي كل المكونات مع بعض كويس جداً😍
- جيبى طبق عميق وحوطي فية الدقيق والنشا والكاكاو الخام وقلبيهم مع بعض كويس وبعد كدة ضيفي الخليط السائل الموجود في الخلاط على الدقيق وذوبي ملعقة القهوة سريعة الذوبان في ملعقة ماء ساخن ولما تبرد ضيفيها على الخليط وقلبيهم مع بعض بس مش كتير متعجنيش عشان البسكويت ينجح معاكي وقلبي لحد لما تتكون معاكي عجينة ملساء😍
- شكلي العجينة بعد كدة على شكل حبات القهوة وحوطيهم في صينية مدهونة بالزيت ودخلي الصينية التلاجه لمدة نصف ساعة قبل ما تدخليها الفرن عشان البسكوت يحتفظ بشكلة ومايفرش منك في الصينية 😍
- دخلي الصينية الفرن بعد كدة على درجة حرارة 180 لمدة 20 دقيقه تقريباً ولما يستوي خرجية من الفرن وسيبية يبرد خالص 😍
- وأقدم لكم كتابي الأول إنتي مش روبوت 🤖 حبيت أعرفكم إني شيف وكاتبة في مجال التطوير الذاتي ودا أول كتاب ليا أتمنى يعجبكم ☺️☺️❤️
- 😋😋😋😋😋
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد