→ كل الوصفات
#حلويات_من_دون_طهي #حلويات_اقتصادية_و_راقية
المقادير
- لتر حليب
- كاس فرينة
- كاس سكر
- 125 غ زبدة طرية
- فانيليا
- كمية بسكويت مرحي
- كمية نواد كوكو
- كريم شونتي
- كاس بودرة شونتي
- كاس حليب بارد
طريقة التحضير
- اولا نجيب بلاطو يكون بطول 40 سم وعرض 30...المهم يكون كبير ولا بلاطو تاع كويزينيار لي عندكم فدار استعملوه.. نضع فيه ورق طهي او ساشي لي متوفر عندكم ستعملوه هو فقط لتسهيل العمل.. ونفرغ فوقو طبقة من البسكويت المرحي او طبقة من النوادكوكو حسب ذوقهم
- بعدها نحضر الكريمة نضع الحليب و الزبدة و الفرينة و السكر كلهم مع بعض نخلط بالفوي بارد في بارد و نحطهم فوق النار و نستمر بالتحريك حتى تخثار الكريمة نطفي عليها و نضيفلها حوالي م ك فانيليا.. ونفرغها مباشرة فوق البسكوي لي فرشناه او النوادكوكو ونسويلها السطح و ندخلها الثلاجة نخليها تبرد تماما.. ونحضرو كريم شونتي (كاس بودرة الشونتي + كاس حليب بارد نطلعهم حتى نتحصلو على كريمة)..لما تبرد الكريمة نبدا بإضافة كريمة الشونتي فوقها نضيف طبقة رقيقة فقط..ونسوي السطح بملعقة
- و يمكن اضافة شوكولا الطلي لكريمة الشونتي..انا درت نص بالبسكوي والنصف الاخر بنوادكوكو وحتى كريمة الشونتي نصفها خليتو ابيض والنصف الاخر ضفتلو ملعقة كبيرة شوكولاطة الطلي.. وضفتلها صوص كراميل من الفوق
- بعدها ندخلها للمجمد حوالي ربع ساعة و نخرجها نقسمها على اثنان و نبدا نطوي فيها غير بلعقل بمساعدة ورق الطهي نطوي النصف الاول ثم النصف الثاني و نقطعها طرونش صغار و نزينها من الفوق بكريمة الشونتي
- و كذوق خاص انا عجبتني بنوادكوكو كثر من تاع البسكويت.. وبصراحة بزااااف بنتها رائعة مراحش تندمو اذا جربتوها.. شهية طيبة نتمنى تعجبكم 💗💗💗💗
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد