→ كل الوصفات

للدايت : جمبري بالصويا صوص و باستا الصوص الأبيض

جمبري صغير بالكركم والصويا صوص مع مكرونة penne بالصوص الأبيض

  • 250 جرام جمبري مقشر صغير ومتوسط الحجم
  • 100 جرام مكرونة penne
  • 0.5 كوب لبن خالي الدسم
  • ملعقة دقيق أسمر
  • 0.5 ملعقة كركم
  • 0.5 معلقة بابريكا
  • 0.5 ملعقة صويا صوص غامق
  • 0.5 ملعقة ملح
  • 0.5 معلقة فلفل اسمر
  • 0.5 معلقة شطة
  • 0.5 ليمونة
  • 4 فصوص ثوم مفروم
  • 2 قرن فلفل احمر واخضر
  1. تتبيلة الجمبري : هنحط الجميري المتقشر في طبق ونحط عليه كل مكونات البهارات وكمان عليه ملعقة زيت زيتون صغيرة ونص ملعقة صويا صوص غامق والفلفل الاحمر والاخضر وكمان فصين ثوم مفرومين ونسيبها نص ساعة في التلاجة
  2. الجمبري : ننزل بالجمبري في طاسة فيها ملعقة زيت زيتون ونوطي النار ونقلبه لحد ما يستوي ، بس مانسيبوش ينشف خالص عشان يبقى طعمه كويس ويحتفظ بالسوائل اللي فيه ونطلعه على جمب
  3. الباستا : في نفس طاسة الجمبري هنعمل فيها الصوص الابيض للباستا عشان تاخد طعم وريحة الجمبري ، نحط فيها ملعقة زيت زيتون و ٢ فص ثوم مفروم ونستنى لما ريحة الثوم تطلع ، ننزل بمعلقة الدقيق الأسمر ونقلب بعدين ننزل باللبن بالتدريج مع التقليب المستمر ، نحط الملح والفلفل ونقلب لحد ما المزيج يتماسك شوية ، نحط المكرونة ونقلبها
  4. نقدم الباستا جمب الجمبري المتبل في طبق واحد وبالهنا والشفا
عجبتك الوصفة؟
شوف كل وصفاتنا في مكان واحد
كل الوصفات →