→ كل الوصفات
طريقة عمل للدايت سمك بلطي مشوي بالرده سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- سمك بلطي الحجم والعدد حسب الرغبه
- طماطم
- فلفل رومي
- فصين توم كبار
- كسبره خضره وبقدونس
- ليمون
- ملح
- كمون
- كسبره
طريقة التحضير
- هنضف السمك كويس ونغسله بدقيق وننقعه ١٠ دقايق في خل ومايه مع عصره ليمون
- وبعدين هنحشي قلبه خلطه مدقوقه في الهون الخشب ملح وكمون وتوم مهروس وطماطم مع عصره ليمون
- هنحضرله خلطه لبعد الشوي عباره عن توم متقطع وكمون وكسبره ناشفه وطماطم وفلفل متقطعين وشويه كسبره خضرا وممكن بقدونس وعصير ليمونه ونضيف لده حوالي كبايه مايه وملح ونخليها حادقه شويه
- هنطلع السمك من النقع ونحشي قلبه ونحطه في الرده
- هنسخن الفرن جدا عشان السمك ميلزقش ونرص السمك
- هنطلع السمك لما يتشوي ونحطه في الخلطه يادوب يتبل ونطلعه علطول
- بعد ما نخلص كل كميه السمك في الخطوه اللي فاتت هنصفي المايه ونحط بقيه الخلطه على السمك
- سمك بلطي صحي وخفيف وبالهنا والشفا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد