→ كل الوصفات
بسبب الازمة الاقتصادية العالمية، أطلقت حملتي الجديدة حملة #اطبخها_اقتصادي، واللي هدفها ان شاءالله هو طبخ جميع الوصفات ولكن بطريقة اقتصادية واقتراح بدائل لأحد مكوناتها الغالية الثمن ان وجد، والله ولي التوفيق 🌷🌷 لمعرفة التفاصيل والمشاركة رجاء التواصل معي
المقادير
- ¼ كيلو لوبيا بلدي
- ¼ لحمة مفرومة
- بصلة كبيرة مبشورة
- ½ راس ثوم
- قرن فلفل حار
- م ك (بهار لحمة ، كزبرة ناشفة)
- م ص فلفل اسود
- 2 مكعب ماجي
- لتر عصير طماطم
- 3 م ك صلصة
- م ص هريسة شطة
- ملح
- ½ راس ثوم
- كزبرة خضرة
- م ك كزبرة ناشفة
- سمنة
- 2 كوب شعيرية
- 3 كوب ارز
- 3 م ص ملح
- ماء
طريقة التحضير
- اولا اللوبيا : في حلة مغمورة بالماء انزل اللوبيا واسيبها تغلي لحد ما تستوي ، وبعدين اشفيها واغسلها ،
- في حلة احط سمنة او زيت وانزل اللحمة اشوحها لحد لما لونها يتغير، بعدين انزل (البصل ، ثوم ، فلفل حار) و (التوابل) واشوحهم لحد لما يدبلوا ، بعدين انزل عصير الطماطم والصلصة وهريسة الشطة واسيبها تغلي علي النار وتتسبك ،
- بعدين انزل فيها اللوبيا تاخد غلوة معاها ، واجهز التقلية ، في الكبة احط (الكزبرة الخضرة ، نص راس الثوم ، كزبرة ناشفة) وافرمهم ، بعدين اشوحهم في الطاسة بالسمنة وانزل بيها علي اللوبيا ، واقلب كله مع بعضه واظبط الملح وبس كدة ،
- ثانيا الارز بالشعيرية : في حلة احط سمنة وانزل بالشعيرية اشوحها لحد لما لونها يبقي ذهبي ، بعدين انزل الارز والملح واقلبه معاها شوية ، واغمره بالماء ويكون اعلي من الارز بحوالي ٢ سم او (علي قدم مقدار الارز ومقدار الشعيرية احط ماء يعني حوالي ٥ اكواب ماء) ، اغطي الحلة واسيبه لحد لما يشرب مايته وبعدين اقلبه بالشوكة واهدي النار خالص لحد تمام السوي وبالف هنا 🙂
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد