→ كل الوصفات
وصفة اصيلة من الوصفات التقليدية بتاعت الام المصرية وسهلة جدددا وعادة بتتعمل باللحمة المكعبات بس النهاردة انا عملتها باللحمة المفرومة لاني بحب الخضار المتسبك يكون باللحمة المفرومة ، #امي_معلمتي
المقادير
- ½ كيلو لوبيا
- ½ كيلو مفروم لحمة
- بصلة كبيرة مبشورة
- 2 م ص ثوم مفروم
- م ص من كل (بهار لحمة ، كزبرة ناشفة ، فلفل)
- 2 مكعب ماجي
- لتر ونص عصير طماطم
- 3 م ك صلصة
- رشة سكر
- ملح حسب الاحتياج
طريقة التحضير
- اولا : في حلة اضع اللوبيا بعد غسلها كويس جدا وتنقيتها اذا احتاجت واغمرها بالماء واغليها علي النار لحد قرب السوي بعدين اصفيها واغسلها بالماء براحة تاني واصفيها تمام ،،
- بعدين في حلة اضع سمنة وانزل اللحمة اشوحها لحد لما لونها يتغير وبعدين انزل البصل اشوحه معاها لحد لما يدبل ،،
- بعدين انزل (م ص ثوم) والتوابل والماجي واشوحهم كلهم مع بعض كويس جدا ،،
- بعدين اضيف عصير الطماطم والصلصة ورشة السكر واسيبها تغلي لحد لما تتسبك خالص ،،
- بعدين انزل باللوبيا تاخد غلوة معاها لحد لما تستوي خالص واضيف ملعقة الثوم الثانية واظبط الملح بتاعي وبس كدة ،،
- قدمتها مع ارز ابيض ومخللات مشكلة وبالف هنا 🙂
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد