→ كل الوصفات
#لوبيا فاصوليا#
المقادير
- 1 كيلو لوبيا بادرية
- 1 كيلو بندورة
- بصلتين وسط
- 10 فصوص ثوم
- ملعقة كبيرة كزبرة ناشفة
- 4 ملاعق كبيرة زيت زيتون بكر
- رشة ملح
- دبس فليفلة حد (اختياري)
- دبس رمان (على الوجه)
طريقة التحضير
- تقطع اللوبيا وتنظف من العرق اليابس ثم تغسل جيدا
- ثم تقومين بفرم البصل فرم صغير
- و تقومين بعد ذلك بفرم البندورة فرم حجم وسط
- في هذه الاثناء تضعين نصف كمية الزيت بقدر كبير على النار ثم تضيفين البصلة ويتم تقليبها بشكل مستمر الى ان يتغير لونها ليصبح ذهبي
- تضعين اللوبيا وتغطي القدر لمدة ٣٠ الى ٤٥ دقيقة على نار وسط حتى تستوي اللوبيا ويتم تقليبها بشكل مستمر
- تضيفين البندورة على الوجه وباقي كمية زيت الزيتون (اضافة الزيت في هذه المرحلة يعطي الطبخة طعم ولا اروع) ولكن بدون تقليب لخمس دقائق... ارفعي درجة الحرارة قليلا حتى تنزل البندورة ميتها ولاتنسي تغطي القدر حتى تنضج البندورة من البخار
- تقومين بتقليب اللوبيا والبندورة مع الحفاظ على درجة حرارة وسط لمدة ١٠ دقايق او حتى تنزل ميتها وتهتري البندورة ومن الممكن اضافة دبس الفليفلة الحد (الحر)
- ثم تضيفين الكزبرة الناشفة والملح والثوم وتتركيهم على نار هادئة لمدة خمس دقايق
- يتم اضافة دبس الرمان على وجه الصحن عند التقديم مع عصرة ليمون وبالهناء والشفاء
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد