→ كل الوصفات
اول مرة اجربها و عجبتني اوي .. ميزتها انك تقدري تتحكمي في كمية السكر و بالتالي ترضي اللي بيحب السكر كتير و اللي مالوش فيه اوي اتمنى تعجبكم كل عيد و انتوا بالف خير ⚘️⚘️⚘️
المقادير
- لفة حلاش
- سمن
- 3 كوب لبن
- كوب إلا ربع سميد
- 1/2 كوب سكر
- 1/4 كوب لبن بودرة
- قشدة
- فستق
- فانيليا
- مستكة بودر (ان وجد)
- سيرب (وصفة الكنافة بالقشطة)
طريقة التحضير
- قطعي الجلاش مربعات
- ادهني السمن بين كل مربع و التاني لحد 4 طبقات.. و كرري الخطوة كل 4 على بعض عمل معايا حوالي 12 مجموعة
- ادهني قالب الكب كيك بالسمن و رصي الجلاش.. حطيه في الفرن لحد ما يحمر
- هياخد حوالي 10 دقايق و يمكن أقل و سيبيه يبرد
- على نار هادية حطي اللبن و السميد و السكر و اللبن البودرة و الفانيليا و المستكة لو موجودة
- و قلبي لحد ما القوام يتماسك شوية
- بعد ما يبرد جطيه في قوالب الجلاش
- غطيه بالقشدة و رشي الفستق المبشور
- عند التقديم حطي كمية السيرب _ البارد_ اللي تريحك.. بس نصيحة مش اقل من معلقتين كبار
- بس كدة.. بالهنا و الشفا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد