→ كل الوصفات
#عالم_الفرولات 🍓🍓🍓 🍓🍓🍓 #لمسات_وردةالياسمين_المتألقة أمسية طيبة وموفقة للجميع صح قهوتكم خياتي منورين عشويتكم بما انو اليوم جربنا وصفات الأخت والصديقة الغالية انا كانت عندي طلبية لي تارتولات بعدة أذواق وجربت وصفة ام اسلام جات صراحة في القمة مثل وصفتي مكانش اختلاف مقرمش طرية وخفيفة وعجبت زبونتي بزااف شكرا حبيبتي بارك الله فيك
المقادير
- 125 غ زبدة بحرارة الغرفة
- 250 غ فرينة مغربلة
- 50 غ سكر ناعم
- 50 غ نشاء
- رشة خميرة حلوة
- حبة بيض
- 2 م ك زيت
- مغرف ص فانيلا
طريقة التحضير
- بسم الله اللهم صل وسلم وبارك علي سيدنا محمد في اناء كبير نضع الزبدة والزيت قرصة ملح وبيضة وسكر ونخلط الكل جيدا بالباتور او باليد
- من بعد نضيف النشاء والخمارة والفرينة نطم بيها العجين نتحصل على عجين ليس طري مثل الصابلي نترك العجين ترتاح عشرة دقايق من بعد نبسطو ونقطعو دوائر كما موضح
- نشكلو في لي مول تارتولات جيدا ونثقبهم بالشوكة نتركهم يرتاحو ومن بعد ندخلهم الفرن ياخذو تحميرة كما موضحة هذي الكمية خرجتلي 25حبة
- من بعد حضرت الكريمة حضرت 3اذواق ليمون وفرولة وموز فرولة في كاسرول وضعت 2كسان حليب على نار متوسطة من بعد في صحن اخر وضعت 2بيض مع 2مغارف نشاء و3مغارف سكر خلطتهم جيدا لما دفى الحليب أضفت فنجال من الحليب الدافئ في خليط البيض والنشاء خلطتهم جيدا ثم اضفت هذا الخليط في الحليب وواصلت الخلط حتى عقد الخليط تاعي لما عقد طفيت الغاز واضفت مغرف زبدة ومغرف فانيلا خلطت جيدا وسكتب الخليط في صحن غطيتو بكيس بلاستيكي يلامس الكريمة ودخلتو للثلاجة من جهة اخرى حضرت كريمة الليمون نص كأس عصير ليمون والباقي نكملو ماء
- في صحن نخلط بيضة مع 2مغارف نشاء مع 3مغارف سكر ونضيف شوية من خليط الليمون والماء في خليط البيض والنشاء نخلط جيدا ثم نسكبهم مع خليط الليمون والماء ونضع الكل على نار هادئة حتى يعقد الخليط مع الخلط المستمر لما يعقد نطفي الغاز ونضيف مغرف زبدة ونخلط نفرغ الكريمة في صحن ونغطيه بكيس بلاستيكي يلامس الكريمة وندخله للثلاجة لما تبرد الكريمة نطلع كأس غبرة شونتي مع كأس حليب (نقسم الكريمة لي طبختها الاولى إلى قسمين)وكل قسم نضيفلو كمية من كريمة الشونتي ونضيف ذوقين مختلفين موز وفرولة ونخلط جيدا بالباتور نتحصل
- نتحصل على كريمة ديبلومات بذوق الفرولة والموز ونزين حسب الرغبة اوما كريمة ليمون نطلع كأس غبرة شونتي مع كأس ماء بارد جيدا ومن بعد نضيف كريمة الليمون على دفعات نتحصل على موس ليمون نزيت تارتولات تاعي حسب الرغبة وتقدم تجي بزااف هايلة بنتها تووب طرية ومقرمشة نشكرك بزاف اختي الغالية ام اسلام وصفاتك الكل في القمة بارك الله فيك حبيبتي
- هذي كانت طلبية وطبقتها على طريقة ام اسلام لاني اثق في وصفاتها شكرا غاليتي بارك الله فيك
- نعمة دايمة علينا وعليكم خياتي
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد