→ كل الوصفات

ماربل كيك بالبرتقال🍊 والشوكولاتة 🍫 بأسهل طريقة وبطعم لذيذ 😋💓

ماربل كيك من أحب أنواع الكيك عندي 😍 لما بكون نفسي في حاجة حلوة وسريعة اعملها مع فنجان القهوة أو الشاي ☕ دايماً بفكر🤔 في ماربل كيك طعمها لذيذ 😋 ومكوناتها بسيطة وسهلة لو نفسك في حاجة حلوة سريعة ولذيذة جربي ماربل كيك بالبرتقال والشوكولاتة طعمها رائع ومميز 🤩💓 #المريول_الذهبي

  • 2 كوب دقيق
  • 3/4 كوب عصير برتقال جاهز
  • 2 بيضة
  • 1/2 كوب زيت ذرة
  • 1 كوب سكر
  • 1 ملعقة كبيرة بيكنج بودر
  • 1 ملعقة صغيره فانيليا سائلة
  • 1 ملعقة كبيرة كاكاو خام
  1. أولاً جيبي الخلاط الكهربائي وحوطي فية الزيت والبيض والسكر والفانيلا وعصير البرتقال وأخلطيهم مع بعض كويس جداً 😍
  2. جيبى طبق عميق وحطي فية الدقيق والبيكنج بودر وقلبيهم مع بعض كويس وبعد كدة حوطي الخليط السائل الموجود في الخلاط على الدقيق وقلبيهم مع بعض كويس جداً وياريت انخلي الدقيق عشان الكيك يكون هش وخفيف معاكي 😍
  3. جيبى صينية مناسبة انا حطيت الخليط في صينية الإنجلش كيك بس انتي ممكن تحوطي الخليط في اي صينية حجمها وسط مناسبة وادهني الصينية بالزيت ورشيها بالدقيق وبعد كدة حوطي 3/4 خليط الكيك والربع المتبقي حوطي عليه ملعقة كبيرة كاكاو خام وملعقة كبيرة عصير برتقال وقلبيهم مع بعض كويس جداً لحد لما الخليط يكون لونه بني😍
  4. وزعي الخليط البني فوق الخليط الأبيض في الصينية وجيبي عصاية الشيش طاووق ودخلي الخليط الأبيض في البني بطريقة عشوائية😍
  5. دخلي الصينية الفرن على درجة حرارة 180 لمدة 30 دقيقة تقريباً ولما تستوي خرجيها من الفرن وسيبيها تبرد وبعد كدة قطعيها وقدميها مع فنجان قهوة ☕ أو شاي بجد لذيذة جداً وهشة وطعم البرتقال🍊 رائع مع خليط الكيك جربيها أكيد هتعجبك 👌🏻😍💓🌷
  6. 😋😋😋😋😋😋😋
عجبتك الوصفة؟
شوف كل وصفاتنا في مكان واحد
كل الوصفات →