→ كل الوصفات

ماربل كيك بالحلاوة والعسل

كيكة لذيذة جددا ، جربتها قبل كدة بالشوكولاتة بس وكانت كارثة ، بس المرة دي حبيت اغير واخليها ماربل وطلعت كارثة برده 😋

  • 2 بيضة
  • 2 كيس فانيليا
  • 1 م ص قرفة
  • كوب سكر
  • 1/2 كوب عسل اسود
  • 1/2 كوب حلاوة
  • كوب الا ربع زبدة لينة
  • 1/2 كوب لبن
  • كوب وربع دقيق
  • 3 م ك كاكاو خام
  • 3 م ك سمسم (اختياري)
  • 1/2 باكو بيكنج باودر
  • رشة ملح
  1. في الخلاط اضرب المكونات السائلة بالترتيب زي ما انا كاتبة ،،
  2. في بولة اضع (دقيق ، بيكنج باودر ، سمسم ، رشة ملح) وانزل عليهم الخليط السائل واقلبهم في اتجاه واحد ،
  3. في صينية مدهونة ومرشوشة دقيق انزل ب ثلاثة ارباع الخليط وبعدين اضيف الكاكاو واخففه بشوية لبن صغيرين خالص واقلب في اتجاه واحد وانزله علي باقي الخليط وياما بإستيك الخشب بتاع الشوي او سكينة رفيعة اخلطهم مع بعض ، او اسيبهم كدة من غير تقليب وهتطلع معاكي بنفس الشكل كدة ،
  4. قدميها كدة او جنمب اي مشروب ساخن بتبقي تحفة وبالف هنا 🙂
عجبتك الوصفة؟
شوف كل وصفاتنا في مكان واحد
كل الوصفات →