→ كل الوصفات
من أحلى أنواع الكيك إللي جربتها هي كيكة الحليب الساخن وجربتها بالشوكولاتة كانت روعة👌 فقررت إني اعملها ماربل كيك🤩 يعني نصف ابيض ونصف شوكولاتة وكانت النتيجة رووووعه😋 بجد طعمها حلو أوي جربيها وإن شاء الله هتعجبك جداً 👌😍
المقادير
- 2 بيضة
- 1 كوب دقيق
- 1/4 كوب زيت
- 3/4 كوب سكر
- 1/2 كوب لبن
- 2 ملعقة كبيرة زبدة
- 1 ملعقة كبيرة كاكاو خام
- 1 ملعقة كبيرة بيكنج بودر
- 1 ملعقة صغيرة فانيليا سائلة
- 1 ملعقة كبيرة خل
طريقة التحضير
- أولا في الخلاط حوطي البيض والسكر والزيت والخل والفانيليا واخلطيهم مع بعض كويس جداً 😍
- جيبي طبق غويط وحوطي فيه الدقيق والبيكنج بودر وقلبيهم مع بعض وياريت أنخلي الدقيق عشان الكيك يكون هش معاكي بعد كدة حوطي الخليط إللي في الخلاط على الدقيق وقلبيهم مع بعض كويس 😍
- سخني اللبن في حاجة مناسبة وحوطي عليه الزبدة ولما اللبن والزبدة يسخنوا ضيفيهم على الخليط الموجود في الطبق وقلبيهم مع بعض كويس جداً 😍
- جيبي صينية الإنجلش كيك وأدهنيها بالزبدة ورشيها بالدقيق وبعد كدة حوطي فيها 3/4 كمية خليط الكيك والربع المتبقي حوطي عليه ملعقة الكاكاو وقلبيهم مع بعض وبعد كدة حوطية على خليط الكيك الأبيض وجيبي عصاية الشيش طاووق ودخلي الخليط البني في الخليط الأبيض😍
- دخلي الصينية الفرن على درجة حرارة 180 لمدة 30 دقيقة تقريباً ولما يستوي الكيك خرجية من الفرن وسيبية يبرد وبعد كدة قطعية وقدمية بعد كدة مع كباية شاي حلوة☕ بجد هيعجبك أوي وبالعافية عليكي حبيبتي 😘💓🌹
- 😋😋😋😋😋😋😋
- ملحوظة :لو عايزه الكيك في صينية عادية ضعفي المقادير😍
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد