→ كل الوصفات

ماربل كيك بالشوكولاتة والفانيليا بأسهل طريقة وبطعم لذيذ 😋❤️

ماربل كيك من أحب أنواع الكيك عندي❤️ طريقة تحضيرها بسيطة وسهلة ومكوناتها موجودة في مطبخك وشكلها بيكون مميز بعد التقديم جربيها بنفسك وانا متأكده إنها هتعجبك 😍♥️ #المريول_العالمي

  • 2 كوب دقيق
  • 2 بيضة
  • 1 كوب سكر
  • 1 كوب حليب
  • 1 ملعقة كبيرة بيكنج بودر
  • 1 كيس فانيليا
  • 1 ملعقة كبيرة كاكاو خام
  • 1/2 كوب زيت ذرة
  1. أولاً جيبي الخلاط الكهربائي وحوطي فية الزيت والبيض والسكر والفانيلا وأخلطيهم مع بعض كويس جداً 😍
  2. جيبى طبق غويط وحوطي فية الدقيق والبيكنج بودر وقلبيهم مع بعض كويس وبعد كدة ضيفي الخليط السائل الموجود في الخلاط على الدقيق وقلبيهم مع بعض بمضرب سلك يدوي لحد لما تختفي كل حبيبات الدقيق 😍
  3. جيبى صينية مناسبة انا أستخدمت صينية الإنجلش كيك بس لو عايزة تحوطيها في صينية عادية براحتك وبعد كدة ادهني الصينية بالزيت وحوطي فيها 3/4 خليط الكيك والربع المتبقي حوطي عليه ملعقة كاكاو خام وملعقة كبيرة حليب وقلبيهم مع بعض كويس جداً وبعد كدة ضيفي الخليط البني على الخليط الأبيض ودخليهم في بعض بعد كدة بعصاية الشيش طاووق 😍
  4. دخلي الصينية الفرن على درجة حرارة 180 لمدة 30 دقيقة تقريباً ولما تستوي خرجيها من الفرن وسيبيها تبرد وبعد كدة قطعيها وقدميها لعيلتك كنوع من أنواع التحليه المميزة جربيها بنفسك وشوفي الجمال واللذاذة 😍😋
  5. 😋😋😋😋😋😋😋
  6. 😋😋😋😋😋😋😋☕كوباية شاي أو قهوة كمان مع الكيك متنسيش 😉❤️
عجبتك الوصفة؟
شوف كل وصفاتنا في مكان واحد
كل الوصفات →