→ كل الوصفات
بحجم كبير سهله وسريعه مع كوب شايه او نسكافيه علي الفطار 🥰
المقادير
- 3 بيض بدرجة حرارة الغرفه
- معلقه كبيره فانيليا سايله
- كوب معياري وربع سكر
- كوب الا ربع زيت
- كوب لبن
- معلقه كبيره خل ابيض
- 2 ونص كوب دقيق منخول
- كيس بيكنج بودر (معلقه ونص)
- 3 معلقه كبيره نشا
- 1/2 معلقه صغيره ملح
- 3 معلقه كبيره كاكاو خام اسباني
- من ربع : نص كوب لبن
طريقة التحضير
- في الخلاط نضع (البيض + الفانيليا + سكر) ونضربهم كويس لحد ما يفتح لونه والسكر يدوب
- ثم ننزل بالزيت ونكمل ضرب
- ثم ننزل باللبن + الخل ونكمل ضرب
- ثم نضعهم في بوله ونتركهم علي جنب
- في بوله ننخل (الدقيق + بيكنج بودر + نشا + الملح) ونخلطهم مع بعض
- ثم ننزل بالدقيق علي الخليط ونقلب بالمضرب السلك
- ونجيب قالب كيك مقاس ٢٤ او ٢٦ وندهنه زبده لينه ونبطنه بالدقيق كويس ونفض باقي الدقيق (انا استخدمت قالب مقاس ٢٦)
- ثم ننزل بنص خليط الكيك في القلب او اكتر زي ما تحبي الشكولاته اكتر ولا الفانيليا
- وفي بوله صغيره نضع الكاكاو وننزل باللبن من ربع : نص كوب لبن بالتدريج لحد ما الكاكاو يدوب ويبقي صوص وسط مش خفيف ولا تقيل
- ثم ننزل بصوص الكاكاو علي باقي خليط الكيك ونقلبهم سوا بالمضرب السلك
- ثم ننزل بيه علي باقي خليط الكيك في قالب الكيك ونخبط القالب مرتين
- وتدخل فرن سابق تسخين علي ١٧٥: ١٨٠ درجه لمده ٣٠ : ٤٠ دقيقه او لحد ما تستوي ونختبرها بالخله ونطفي الفرن ونترك القالب في الفرن مطفي ثم نقلب الكيك في طبق او شبكه ونتركه يبرد تماما
- ونقطعها ومع كوب شاي او نسكافيه يمي يمي وممكن كمان نضع صوص شكولاته او كراميل وبالف هنا (بطريقه المبدعه شيف ناديه السيد)
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد