→ كل الوصفات
من وصفات الكيك المميزة جنب الشاي او القهوة ممكن تاخدوها في اللانش بوكس كمان
المقادير
- 2 كوب دقيق....300 جرام
- كوب الا ربع لبن على ماء.....185 مل ساخن
- كوب الا ربع زيت وزبدة...185 مل
- كوب إلا ربع سكر.....175 جرام
- 3 بيضات وعصير ليمونة صغيرة
- 2 ملعقة كبيرة كاكاو خام
- 2 ملعقة كبيرة نشا
- 2 ملعقة صغيرة ونصف بيكنج باودر
- 1/4 م صغيرة فانيليا ورشة ملح
طريقة التحضير
- بسم الله اللهم صل وسلم على نبينا محمد وعلى آله وصحبه أجمعين وسلم تسليما كثيرا إلى يوم الدين ❤️ هننخل الدقيق ونقسمه على طبقين هشيل معلقتين دقيق من طبق وهحط بدلهم معلقتين كاكاو وعلى كل طبق ملعقة وربع بيكنج بودر ومعلقه نشا ونقلب
- في الخلاط هنضرب السكر والبيض كويس الاول لحد ما يبقى ابيض وفومي وبعدين نضيف الزيت والزبده وننزل عليهم باللبن الساخن مع الاستمرار في الضرب
- نقسم الخليط السائل على جزئين وننزل بكل جزء على البوله ونقلب في اتجاه واحد وما نقلبش كتير كده بقى عندي بولتين واحدة فانيليا وواحده شوكولاته
- في قالب الكيك هنبطنه بزبده ودقيق او سمنه ودقيق ونبدا نحط بالتساوي شويه فانيليا شويه كاكاو لحد ما نخلص كمية الكيك كلها هندخلها فرن سخن على حراره من 170 ل 180 هتاخد من 30 ل 40 دقيقه على حسب القالب والفرن طبعاً ما نفتحش خالص عليها قبل مرور نص ساعة
- ملاحظات هامه 👈أستخدام عصير الليمون بيديني نتيجه افضل من الخل من حيث هشاشه الكيك وبياض لونها 👈كمية اللبن والماء نص كوب لبن وربع كوب ميه وده بيدي هشاشه اكتر للكيك 👈الماده الدهنيه نص كوب زيت وربع كوب زبدة او نص كوب زيت وثلاث ملاعق كبيره سمنه سايحه
- اللهم اغفر لجدتي وارحمها واجعلها من اهل الفردوس الاعلى يا رب العالمين ❤️
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد