→ كل الوصفات

مافن البيض 🥚 (صحية للدايت)

وصفة دي تحتوي ١٠٠ سعرة يعني تقدري تحرقيهم بسهولة برياضة المشي لمدة ١٠ دقائق وتقدري تاكلي من واحده ل ٣ على حسب سعرات الحراريه اليومية لجسمك وصفة بطريقه صحية ومناسبه للناس اللي بتعمل دايت وتقدري كمان تحطيها لأولادك في لانش بوكس بتاعتهم وكمان ك نوع من تجديد بدل مابنعمل بيض مسلوق او مقلي او أومليت انا كنت عاملاها قبل كده في سحور رمضان بس بطريقه تانيه بس مش مناسبه اوي للدايت هتلاقوها عندي في الوصفات ( اعملوا بحث عندي هتلاقوها في الوصفات عندي)

  • 5 بيضات
  • بصلة صغيرة او متوسطه مقطعة قطع صغيرة جداً
  • رشة ملح وفلفل
  • 1/2 كوب فلفل ألوان مقطع قطع صغيرة
  • 1/4 كوب مشروم (فطر) مقطع قطع صغيرة
  • 1 طماطم مكعبات صغيرة
  • رشة جبنة موزاريلا
  • رشة جبنة رومي مبشور
  • رشة ثوم بودر
  • رشة زيتون شرايح
  1. هتجيبي بولة هتكسري بيض فيها وهتحطي عليه بصلة ورشه ملح وفلفل ونخفقهم كويس اوي مع بعض
  2. وهنجيب صينيه كب كيك هنرش رشه زيت خفيف بالاسبراي بتاع الزيت او بالفرشاه و هنصب خليط بيض في كل قالب في صينية
  3. هننوع في اطعمة مافن البيض : أول واحد حطيت عليه فلفل ألوان مكعبات و التاني حطيت عليه مشروم (فطر) ومكعبات طماطم وممكن تضيفي عليهم كمان رشة جبنة موزاريلا ورشة ثوم بودرة التالت ممكن تحطي فيه جبنة رومي مبشورة وزيتون شرايح
  4. وتحطيهم في الفرن على حرارة ١٨٠ لحد مايستوي وتقديمهم انا أكلت جنبهم سلطة ممكن تحطي أي حاجه مناسبه مع وجبه الفطار ليكي على حسب ما انتي محددة لكل وجبه كام سعره حراريه ليكي وبألف هنا على قلبك ❤️
  5. ملحوظة : ١- انا طبعاً استخدمت بيضتين لاني فرد واحد في عملت معايا ٢ مافن ٢- طبعاً ممكن تحطي اطعمه تانيه زي سبانخ تقدري تحطي اي اطعمه اللي نفسك اولادك يأكلوها بس بطريقه غير مباشره في الوصفة دي
عجبتك الوصفة؟
شوف كل وصفاتنا في مكان واحد
كل الوصفات →