→ كل الوصفات
صراحة برغر شكلو دايما دائري جاتني فكرة علاه منبدلوش شكل برغر ونخلوه باشكل مختلفة وكانت فكرة روعة
المقادير
- كاس حليب دافي
- 1/4 كاس زيت
- بياض بيضة
- ملح
- ملعقة خميرة خبز
- ملعقة سكر
- 1/2 باكي خميرة حلويات
- فرينة لجمع العجين
- صدر دجاج
- ملعقه صغيره توابل دجاج
- 2 حبات بصل
- ثوم
- ملعقة موتارد
- ملح وفلفل اسود حسب الرغبة
- 2 ملاعق شابلور
- معدنوس
طريقة التحضير
- استعملت كاس كبير للحليب نحط حليب دافي وخميرة وسكر نخلطهم بالفوي او العجان نزيد زيت وبياض بيض وملح ونزيد عليها فرينة مع خميرة حلويات ونلمها نتحصل على عجين طري نغطيه خليه يخمر بعد مايخمر نقطع العجين كرات متساوية بوزن 100غ نشكلها مثلث 🔺 نخبزها شوي نخليها تخمر فالسنية بعد ندهنها بصفار مع شوية ماء اوحليب ونرش سمسم ونضع ورقة معدنوس
- بالنسبة للحشو طحنت كلشي مع بعض وشكلتو مثلث خليتو رتاح فالثلاجة وقليتو على نار هادية وبعد ماتقلى مباشرة نحط عليه فرماج سوندويش مربعات وستعملت سلاطة وبصل مقطع دوائر طماطم شرائح ودهنت خبز بالصوص ميونيز وبالصحة والراحة ممكن استبدال دجاج باللحم المرحي
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد