→ كل الوصفات
طريقة عمل مثوم بيض سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- قطعتي لحم غنم ولا بقر على حساب الذوق
- 200 غ لحم مفروم
- حبة بصل متوسطة
- راس ثوم
- ملعقة سمن
- زيت
- ملح وفلفل اسود حسب الحاجة
- م ص كمون
- عود قرفة
- زنجبيل
- حبة بيض
- شابليغ
- معدنوس
- حميصة طايبة
طريقة التحضير
- في قدر (كوكوطة كي تكونو مزروبين) نحطو ملعقة سمن وملعقتين اكل زيت ونحطو قطعتي اللحم نقلوهم مليح
- نظيفو عليهم البصل مسكرفج نخلو شوية برك مالحبة مانديروهاش كامل ونديرو ملح فلفل كحل شوية زنجبيل وشوية كمون ونضيفو الثوم تان مسكرفج ولا مهروس وحد 5 فصوص ونخلوهم يتقلاو ملييييح
- بعد ما يتقلاو نمرقو بماء ساخن باش مايقرسلش اللحم ونخلوه يطيب
- من جهة اخرى نحظرو اللحم المفروم نظيفولو البصل لي بقالنا وتان الثوم شوية بيض شابليغ ومغرف زيت والتوابل والملح و شوية معدنوس مقطع ونشكلوه دوائر
- بعد ما اللحم تاعنا يكون دخلو طياب نظيفو كريات اللحم المفروم ونلاحظو المرق اذا خص نزيدو شوية ما سخون من طرف برك ما تشلوش قدرتكم وبلا ماننساو كميشة حميصة
- ونقدموه فالاخير مرشوش بالمعدنوس والقارص... انا خلاصلي اللوز يجي بنين معاه فالتقديم
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد