→ كل الوصفات
#طيب_جزائري طبق تقليدي بحت يحبوه كامل الجزائريين وحاضر في عرضاتنا ومناسباتنا المختلفة وهو من بين الأطباق لي ما تحول ما تزول 💕💕💕💕
المقادير
- كمية لحم غنم مفروم
- قطع لحم غنمي
- 12 سنة ثوم
- حبة بصل صغيرة
- حفنة حمص
- ملح وفلفل أسود
- راس الحانوت
- كمون
- ½ م ك طماطم مصبرة
- م ص مارغرين للحم المفروم
- ماء ساخن للمرق
- كمية من المعدنوس مقطع
طريقة التحضير
- في روبو نحط اللحم اذا مكانش مرحي ونرحيه ثم نضيفلو ربع حبة بصل مع 6 سنات ثوم والتوابل والملح و م ص مارغرين ونعاود نرحيه ونشكل كرات ونحطو على جنب
- في نفس الروبو نحط بقية البصلة و6 سنات ثوم ونرحيهم ونفرغهم على اللحم لي فالكوكوت يعني قطع ونضيف الملح والتوابل نفسها والطماطم المصبرة ونخليه يتقلى مليح
- بعد ما يدخلو الطياب نمرق ونحط كرات اللحم في المرق ونغلق عليه كي العادة كي تصفر الصفارة أنقص للنار ونخليه يطيب على نار قليلة باش يجيكم طايب زبدة
- يقدم في صحن التقديم ويزين برشة معدنوس وشهية جزائرية طيبة 😍😍😍😍😍😍😍😍
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد