→ كل الوصفات
طريقة عمل مجبوس إماراتي بالدجاج سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- 2 كاس ارز بسمتي
- 1 دجاجه, مقطعه ومنظفة
- 3 حبات بندوره
- 4 حبات بصل
- 3 قرن فلفل, اختياري
- 4 سنون ثومه
- فنجان ماء ورد, للزعفران
- كمشة زبيب احمر, او اصفر
- فلفل ابيض
- زعفران
- كمون
- بهار مشكل
- كاري
- كركم
- بهار الكيجن, للدجاج
- مكعب ماجي
- فلفل اسمر
- ورق غار
- لومي
- زنجبيل, بودرة
- بهارات كامله
- للتزيين
- مكسرات
- زيت
طريقة التحضير
- بتنقعي الارز بالماء الساخن والملح ورشة كركم, لمدة نصف ساعه
- بتقطعي حبه بندوره وحبه بصل وبتقلبيهم بطنجره على الغاز, مع شويه زيت. بعدين بضيفي الدجاج وبتقلبيه. وبضيفي ماء وبضيفي البهارات لسلق الدجاج وبتتركيه ليستوي
- بتنقعي الزبيب بماء ساخن
- بتحطي بفنجان صغير زعفران وماء ورد وبتتركيهم على جمب
- حطي البصل والثومه بمقلاة مع شويه زيت على النار. وبتقلبيهم ليعطو لون ذهبي
- بعدين بضيفي الزبيب والبندورة وبتقلبيهم وبتتركيهم شوي. بعدين بتطفي عليهم وبتخليهم على جمب
- بطنجره, بتحطي حشوه البصل والثومه والزبيب والبندوره بقاع الطنجره
- بتصفي الارز من الماء وبضيفيه على الحشوه بدون تحريك. وبضيفي مرقه الدجاج وبتتركيه يستوي على راحتو
- بتقطعي البصل المتبقي والثومه والبندورة
- بس تبلش تنشف الماء عن الارز بتحفري قرون الفلفل بشـگل طولي بالارز وبتغطي عليه
- بس تنشف المي على الاخر, بتجيبي فنجان الزعفران وماء الورد وبضيفيها بالحفر اللي حفرتيهم بقرون الفلفل
- بعدين بتحركي الارز من تحت لفوق ليتجانس مع الخلطه اللي حطيتيها بقاع الطنجرة
- بتولعي الفحم. وبتحفري حفره وبتفحمي الرز. وطبعا كلنا بنعرف كيف نفحم الرز
- بس يستوي الدجاج, بتصفي مرقه الدجاج من البصل والبندورة
- بهذه الاثناء, بتشوي الدجاج بالطريقه اللي بتحبيها وباي خلطه بتحبيها
- بعدين بتحمصي المكسرات وبتقدحي الزيت اللي حمصتي فيه المكسرات على الرز
- وبتقدمي طبقك. وصحتين وعوافي
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد