→ كل الوصفات
شفت كتير وصفات وفيديوهات وبالنهاية وكعادتي 😊 عملت هالوصفة متل ما حبها قلبي بلمساتي وإبداعي🤭 والنتيجة خوووااافية أكيد وطبعا 🥰👌 وبعتذر لعدم تصوير الخطوات كالعادة لأنه كنت صايمة ومهلكة🤗☺
المقادير
- ½ دجاجة منظفة
- كوبين ونصف أرز بسمتي منقوع ساعة
- بصلة و6 سنون ثوم 《نفسهم يلي بسلق الدجاج》
- معلقتين زيت زيتون
- حبتين لومي
- عود قرفة
- حبتين بندورة مفرومات خشن
- 3 معالق رب البندورة
- معلقة بهارات كاري
- معلقة بهارات عامة مشكلة
- معلقة فلفل أسود
- معلقة بهارات كبسة
- رشة كركم
- ملح حسب الذوق
- 3 أكواب ماء مرق الدجاج 《ماء سلق الدجاج》
- ماء حسب حجم الطنجرة
- بصلة
- 6 سنون ثوم
- معلقة فلفل أسود
- رشة كركم
- ملح حسب الذوق
- 3 معالق دبس رمان
- 3 معالق رب البندورة
- معلقة لبن
- معلقة فلفل أسود
- رشة ملح
- رشة كركم
- معلقة زيت زيتون
- لوز مقلي
طريقة التحضير
- نسلق الدجاج ساعة كاملة بوضع البهارات بالماء ،، ثم نصفي الدجاج من الماء ونضعه بصينية الفرن
- نجهز خلطة تحمير الدجاج بوضع جميع المكونات معا وخلطهم جيدا حتى تتجانس جميع المكونات ،، ثم ندهن الدجاج 《طبعا بندهن الوجهين ،، بندهن الوجه وبنحمره ثم الوجه الثاني والتحمير بكون حسب الذوق》
- نشعل الفرن لتحمير الدجاج《النار من فوق》ونضع الصينية وعند تحمير الوجه الأول نخرجها وندهن الوجه الأخر ونحمره
- لطبخ الأرز نأخذ الثوم والبصل من ماء سلق الدجاج ونفرمه بواسطه مفرمة يدوية 《وممكن نهرسه》،، ثم نضعه بالطنجرة ونضع الزيت ونقلبهم حتى يذبلو ويشقر لونهم ،،، نضيف رب البندورة ونقلب دقيقتين ثم نضيف اللومي والقرفة ونقلبهم دقيقتين ،، بعد ذلك نضيف البندورة ونتركها تتسبك تقريبا ربع ساعة ،، نضيف البهارات و ماء سلق الدجاج ونتركهم حتى الغليان
- نضيف الأرز المصفى من الماء ونحركه برفق حتى يختلط مع باقي المكونات ونتركه على نار هادية مغطى عليه حتى تمام النضج والإستواء مع التفقد والتقليب برفق بين الفترة والأخرى
- نسكب المجبوس بطبق التقديم ونضع الدجاج على الوجه
- نزينه باللوز المقلي مسبقا
- وصحتيييين وعوووااافي
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد