→ كل الوصفات
مكونات بالعقل ماتركب لكن بالفم تتناغم ( شرايكم فيني لما الحن على اكله🤪)
المقادير
- 3 چيلات عيش
- 8 قطع دجاج (دجاجه كامله بالعظم)
- حبة بطاطا كبيره مقطعة مكعبات مقليه
- حبة باذنجان كبيره مقطع مكعبات كبيره مقليه منزوعه القشره
- حبه طماطم مقطع مكعبات
- حبتين فلفل رومي اصفر واحمر مقطعين مكعبات كبار
- 2 بصل كبير مقطعة نصف هلال
- 2 فلفل حار (للرغبه) لكنه يعطي نكهه
- ملح
- 3 ملاعق كبار اچار مانجا (طرشي مانجا) ماركه الجمل وهو الافضل
- البهارات بودر
- 1/2 ملعقه شاي هيل
- 1/2 ملعقه شاي فلفل اسود
- ملعقه شاي كركم
- ملعقه شاي كمون
- 1/2 ملعقه شاي كاري
- 1/2 ملعقه شاي بهار كبسه
- 2 مكعب ماجي
طريقة التحضير
- اول شي نحمس البصل مع الزيت وتالي نحط الدياي (الدجاج) معاه ونحمش الدجاج بصوره سريعه من كل الجهات
- نضيف البهارات ونحمس وتالي نضيف الفلفل الرومي والفلفل الحار ونحمس لمده ٢ دقيقه وتالي نضيف الطماطم ومع ربع كوب ماء ونخليه على نار متوسطه لمده ١٠ الى ١٥ دق ولازم نقلب الخليط بين فتره وفتره عشان لا يحترق قاع الجدر
- لما يستوي الدجاج نضيف البطاطا والباذنجان حتى ياخذون لون الخليط ، تالي نضيف طرشي المانقا ونحمس ونوزعه عدل ، ملاحظه هاامه : لما تحمس الخليط لازم اشوي اشوي عشان لا يتفتت البطاطا والباذنجان
- نضيف العيش ونضيف ماء حار ونواسي العيش حسب رغبتكم ، وتالي حطو الملح ، ونخلي الماء يغلي ولما يدش بيوته (العيش يشرب الماء) ونخفف على النار ونخليه لمده ٣٠ الى ٤٠ دق ، عليكم بالف عافيه
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد