→ كل الوصفات
كبسة خفيفه وسهلة ولذيذه😋
المقادير
- دجاجة كامله مقطعه ومغسووله من الظفر بماء وملح وخل
- 1 بصلة كبيرة تقطيع صغير
- ملعقة من معجون الثوم والزنجبيل لمن يرغب
- 1 حبة طماطم مقطعه صغير جدا
- شويه كزبره مفرومه المقدار بقبضة اليد
- 4 أعواد قرون فلفل حار لمن يرعب وأوراق كاري
- البهارات المستخدمه
- بهارات صحيحة
- ليمونه جافه
- عود قرفه
- كمون
- 3 حبات هيل
- ملعقة كبيرة بهارات مخلوطه
- ملعقة كبيرة كركم
- ملعقتين ملح
- 1/2 ملعقة فلفل أحمر بودره
- نص ملعقة كوون بودره
- رشة قرفه ورشه هيل
- ملعقة كبيرة صلصلة الطماطم
- كوبين كبار رز مغسول ومنقووع نص ساعه أو ساعه
- سمن نباتي أو زيت وبسسسم الله نبدأ
طريقة التحضير
- أول شي نقلي البصل لين يتغير لوونه للبني وتتطلع ريحته مع السمنه أو الزيت.. السمنة بتعطي طعم لذيذ للمكبوس
- أضيف مع البصل البهارات الصحية ٣ حبات هيل وعود قرفه وكورات فلفل أحمر.. المهم اي شي من البهارات الصحيحة اللي تحبوها بس ماتكثروو
- بعدين اضيف ملعقة الثووم والزنجبيل مع اوراق الكاري واقلب
- وبعدين احط الدجاج مع رشه فلفل أسوود واقلبهم مع بعض واسكر عليهم بالغطا
- ٥ دقايق فقط مع التقليب المستمر كل دقيقه لين تتغير شووي لون الدجاجه
- بعدين اضيف ملعقة كبيرة صلصل واقلب واضيف الطماط والملح واخلي الطماط شووي يذبل
- وبعدين اضيف البهارات العربية والكركم والكموون والفلفل الأحمر وشوية ربع ملعقة قرفه وهيل وقروون الفلفل مع التقلييب لمدة دقيقتين
- وبعدين احط مااء ساخن بحيث يغمر الدجاجه كامله واحط وياهم القروون الفلفل الأخضر الحار واسكر علية ألييين يستووي الدجاج بالكامل
- اخر خطووه اضيف ملعقة زبده او سمنه واحط الرزز واضبط الماي بحيث يكون أعلى من الرز بمقداار قليل وأوطي على الناار بالكامل واسكر القدر بالقصدير عشان مايطلع الهواا منه واخليه ربع ساعه أو اقل لييين يستتووي الررز بالكامل
- من يخلص ويتبخر نسككبه ساااخن ويقدم بألف وصحة وعافيه
- مدري ليش طولت حسيت انه اكتب وصفه برياني 😂😄😎 سامحوني بس احب اكتب التفاصيل للمبدئين واللي مايضبطوو الكبسة 😞 اللي عنده اي استفساار حاظرين
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد