→ كل الوصفات
طريقة عمل مجبوس دجاج سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- دجاجتين (حسب العدد)
- 4 كاسات رز (او حسب العدد)
- كاستين زبيب
- كاستين حمص مجروش
- معلقة صغيرة زعفران
- ماء ورد لنقع الزعفران
- لوز للزينة
- 5 بصلات للحشو (او حسب الرغبة) انا بحب البصل زايد بجيب طعم لذيذ
- 3 بصلات لسلق الدجاج
- بهارات لسلق الدجاج
- ورق غار
- عودان قرفة
- هيل حب
- ملح
- فلفل اسود
- قرنفل
- لومي
- معلقتين ثوم مفروم
- مكونات الدقوس
- 2 بصل مفروم ناعم
- 2 فصوص ثوم مهروس
- علبة معجون طماطم
- معلقتين خل
- 4 حبات بندورة مضروبة بالخلاط
- معلقة زيت قلي
- 4 معالق بقدونس
طريقة التحضير
- نقطع الدجاج وننظفه (بالخل والملح و الليمون) وبنتركه شوي فيهم (ربع ل نص ساعة تقريباً) وبهادًالوقت بنجهز الباقي
- بننقع الرز
- وبنفرم البصل ناعم و بننقع الحمص المجروش و الزبيب بماء من الحنفية و بنتركهم شوي.. و بعدها بنسلق الحمص المجروش بماء من الحنفيه
- بنسلق الدجاج ب ماء ساخن و هيل حب ولومي و قرفه و قرنفل وورق غار و ملح و فلفل اسود
- بنجهز الحشو : اول شي بنحط معلقتين زيت قلي وبنحوس فيهم البصل و بعدها بنّزل الحمص المجروش (المسلوق) و بعدها الزبيب.. ورشه بهارات مشكل و ورشة ملح و فص ثوم مهروس و بنحوسهم شوي وبنطفس عليهم
- بنطفي على الدجاج بعد ما يستوي و بنحمره بالفرن او بنقلي (انا حمرته بالفرن) و بنصفي مرقته و بنحط شوي منها على الرز
- بنحوس الرز بشوية زيت و بعدها بنحط عليه شوية مرقة دجاج و مي مغليه و بس يبلش يتنشف المي بندير بشكل عشوائي ال زعفران المنقوع بماء الورد مع ماء الورد على الرز
- وبعدها بنجهز الدقوس : اول شي بنحوس البصل ب شوية زيت و بعدها بنحط معلقتين خل على البصل لما يصير لونه على كراميل.. وبعدها بنحط باكيت رب البندورة وبنحرك.. وبعدها البندورة المضروبة بالخلاط و البقدونس المفروم و ثومه مهروسة
- وبعدها بتقدميهم بطريقتگ وصحتين وعافيه
- Jumanaelayyan
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد