→ كل الوصفات
#اطباق_2020 سهل وسريع وبالخطوات خطوة خطوة بالمبتدئين 👨🍳👩🍳
المقادير
- 3 كاسات رز هندي مغسول ومنقوع نص ساعة
- 1 بصل تقطيع صغير
- فصين ثووم مفرومين
- ورق كاري لمن يرغب
- 4 أعواد فلفل أخضر صغار
- شوية كزبرة وربع فليفله بارده مقطعه حجم كبير
- البهارات راح نحتاج ألى 👩🍳
- ملعقة صغيرة كركم
- ملعقة كبيرة بهارات مشكله
- ملعقة وسط بهارات الكاري
- ملعقة صغيرة فلفل أحمر بودرة
- و3 ملاعق ملح صغيره
- وملعقة صغيرة زنجبيل بودره أو فرش لمن يرغب مو ظروري
- راح نحتاح من البهارات صحيحه 1 لميونه جافه أسود ورق غار
- وشويه كمون حب وشويه فلفل أسود حب وفلفل مجفف وحبتين هيل
- كيلووو روبيان مغسوول ومنظف 🍤🍤
- ملعقتين كبار صلصل طماط
طريقة التحضير
- في البداية غسلت الروبيان جيدا وأزلت الخط الاسود من ظهرها ونقعته بريح الليمون ١٠ دقايق
- هذي البهارات الصحيحة اللي راح استخدمها.. ومقادير البصل والثوم والكزبرة مقطعه بهذا الشكل
- للمجبوس أنا استخدم سمنة أصيل طعمها لذيذ مره بالكبسه 😋 اذا لم يتواجد حطو زيت👍..حطيت سمنة ملعقة كبيرة والبهارات الصحية ونزلت البصل والفلفل البارد ورق الكاري ونقلبهم
- نحمسس لين تتطلع ريحتهم ونضيف ملعقة صغيره زنجبيل بودره أو فرش وومكن الأستغناء عنها
- أغسل الروبيان من ريح الليمون واصفيه بمصفاه مثل هاي عشان مايكون فيه ماي
- ومن يتحمر البصل انزل عليه الروبيان واقلبهم وانتظر لين تنزل عصارة الروبيان مع التقليب
- احط ملعقة صغيرة كركم واحمسس
- وانزل ملعقتين كبار من صلصل طمام واحمسس
- الحين انزل ملعقة صغيرة فلفل أحمر بودره وملعقة بهارات مشكله وملعقة كاري.. أو ملعقة بهارات الروبيان بدل الكاري
- أنززل الكزبرة واضبط الملح واحمسس
- وانزل عليهم ماء نظيف لين يغمر الروبيان بشووي وأسكر غطا القدر لمدة ٢٠ دقيقه ياخذوو غلوة ولحد استواء الروبيان
- أنا ماشيه معاكم خطوة خطوة 😎 تاكدوو من الروبيان استواا خلاص نحط العيش.. العيش مغسول ومنقوع نص ساعة ومصفى من الماء
- انزل الرز على مرقة الروبيان واضبط بحييث يكون ارتفاع الرز عن المرقه فقط ٢ سانتي
- واكتم عليه بغطا القدر لين ياخذ غلوة بسيطة ويتشرب الرز قليلا وتظهر عندي هذي الفقاعات
- وخلاص اسكرر عليه بلامنيووم جييدا وأكتم عليه على ناااااار هااااادية لمدة ٢٠ دقيقة
- شوفووو اشحلاته 🤤🤤🤤 يجنن ونثرررري
- وزينته بالكزبره والبيض ويقدم صحتين وعافية
- يقدم مع اتجاار أو زبادي أو شطة 😊😋
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد