→ كل الوصفات
#طعم مميز ولا اروع 😉
المقادير
- كيلو ريش غنم بالعظم
- كيلو كوسى محفور
- كيلو دوالي
- 1 بطاطا كبيره مقطع دوائر
- 1 بندوره كبيره مقطع دوائر
- 1 بصله كبيره مقطع رنجات
- 5 ثوم حب
- فنجان صغير زيت زيتون نص كاسة شاي عصير الليمون
- ملح حسب الرغبه
- كيلو رز حبه قصيره
- لحمة مفرومه للمحشي مع ليه
- ملعقه صغيرة بهارات مشكله
- ملعقه صغيرة فلفل اسمر
- ملعقه صغيرة كاري
- ملعقه صغيرة بهارات المحشي
- ملعقه صغيرة زنجبيل
- 1 ماجي
- برشة بصله صغيرة
- 2 سن ثوم
- 1 بندوره كبيره
- 3 ملاعق كبيره زيت زيتون
- ملح حسب الرغبه
- 1 فلفل حار حسب الرغبه
- 5 ملاعق كبيره عصير ليمون
طريقة التحضير
- للحشوه :بنغسل الرز ونقعه 10 دقائق بنكون مجهزين الكوسى وغاسلينها بماء وملح بنحط الرز بجاط وفوقها اللحمة المفرومه والبهارات الى انزكرت وماجي وملح وبرشة البصله وبعدين بنحط في خلاط البندورة والفلفل والزيت وعصير الليمون
- وبنضربهم بالخلاط وبنحطهم على الحشوه وبنقلبها منيح وبنبلش نحشي الكوسى لحد ما تسير الحشوه فيها لتلات ارباعها وبنسكرها بلحمه او ليه حسب الرغبه وبنلف الدوالي
- في طنجره بنسفط البطاطا المقطعه وفوقها الريش وفوقها البندورة وبعدين البصل وبنوزع الثوم حواليها وبنرش رشة بهار مشكل وبنبلش نسفط الكوسى وبعدين الدوالي بنحط ماء فاتر مملح حسب الرغبه لحد نصها لان عند الغلي راح يغمرها ما نكتر ماء بس تبلش تغلى بنخفف
- وعند لما تقرب تستوي ضرب بخلاط 2 بندوره والزيت والليمون ووضعه فوقه مع التوزيع وتركه على نار هاديه ليستوي اخد معي على الغاز على نار هاديه جداً ساعة وربع نزلت متل قالب الكيك
- بنسكب بطبق التقديم طبعاً بتقدم مع لبن زبادي وسلطات فرنجي الطريقه هاي للمحاشي روعه وطعم غير شكل وصحتين وعافيه
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد