→ كل الوصفات
وما توفيقى إلا بالله 💕وخلطة محشى مميزه لكل أنواع المحشى اللهم صل وسلم وبارك على سيدنا ونبينا محمد بسم الله الرحمن الرحيم 🎉🎇🌹 #عروسة_جديدة
المقادير
- كرنبه مسلوقه ومتقطعه
- حزمة شبت
- حزمة كزبرة
- حزمة بقدونس
- لتر عصير طماطم والاحسن يكون مضروب فى الكبه من غير مايه
- أرز أبيض مصرى حسب حجم الكرنبه
- 3 معلقه صغيرة فلفل اسود
- 3 معلقه صغيره كمون
- 2 معلقه صغيره ملح
- 3 معلقه صغيره كزبره ناشفه
- مكعب ماجى
- 3 معلقه كبيره زيت
- رشه خفيفه زعتر ناشف
- رشه خفيفه جنزبيل
- معلقه صغيره ثوم مهروس
- 2 معلقه كبيره صلصة طماطم
طريقة التحضير
- حله على نار متوسطه نضع بها الزيت ولما يسخن نضع البصل
- ولما يذبل ننزل بالتوابل ونقلب ثم نضع معلقة صلصة الطماطم ونقلب
- نضيف عصير الطماطم ونقلب
- ونغطيها لحد لما تتسبك شويه ونرفع الغطا علشان تتقل والمايه اللى فيها تتبخر وتقل
- نغسل الارز جيدا ونصفيه ونضع عليه الخضرا ونقلبهم مع بعض
- نضيف الرز مع الصلصه ونقلب جيدا
- نحضر الحله اللى هنلف فيها ونفرش فيها الورقه الخضرا الغامقه عشان تحمى المحشى من النار
- نلف الصفوف عكس بعض زى الصوره عشان تسمح بالمايه للنزول وتوزع الحراره للتسويه
- كان نفسى اصور لكم ازاى بنلف بس معرفتش معلش بقى
- لما نخلص لف نحط طبق على الاصابع فى الحله ونسقى بمايه مدوب فيها مكعب ماجى او شوربة دجاج او لحمه ونخلى المايه تحت السطر الاول
- و نسوى زى الرز بالظبط اول لما يغلى نهز الحله ولما يتشرب نخفض عليه النار او ننقله على عين هاديه لحد ما يستوى 💕
- الخلطه دى انا بعملها فى كل انواع المحشى باذنجان كوسه فلفل كرنب ورق عنب يارب تجربوها وتعجبكم
- بالنسبه لتسوية الفلفل انا خليته فى حله لوحده صغيره على اده وقفته فيها ودوبت مكعب ماجى فى نص كوباية مايه ونزلت المايه فى الحله لحد ماوصلت لارتفاع عقلة صباع او اكتر حاجه بسيطه ونفس الحكايه لما غلى هديت النار عليه لحد التسويه ويارب اكون قدرت اشرحلكم بشكل بسيط 🌹
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد