→ كل الوصفات

محشى كوسة بطريقة جديدة

حلوة فى التقديم والعزايم وطعم مميز #المريول_السوبر #توم

  • كيلو كوسة حشو وسط سميكة
  • للحشو
  • 1/2 كوب لحم مفروم
  • 1/2 كوب رز مصرى
  • وحدة فلفل رومى
  • وسط بصلة
  • 3 م ك دبس رمان
  • م ص ملح
  • 1/2 م ص فلفل اسود
  • 1/2 م ص كزبرة ناشفة
  • 1/2 م ص ببريكا
  • ورق عودين نعناع اخضر
  • 2 م ك زيت
  • م ص هريسة شطة
  • لصوص التسوية
  • م ك توم مفروم
  • م ك سمن
  • 2 م ك صلصة طماطم
  • كوب شوربة
  1. فرمت الفلفل مع البصل بالكبة
  2. ضيفتهم عاللحم وباقى البهارات والملح وخلطت جيدا
  3. غسلت الكوسة وزلت الاطراف وخطتها بالمقوار المشرشر
  4. قطعتها ٣ اجزاء وقورتها بمعلقة شاى صغيرة واحتفظت بناتج التقوير
  5. حشيتها بالخلطة وتكون ناقصة شوية للزيادة ف التسوية ورصتها ف صنية
  6. جهزت الصوص بتشويح التوم فى السمن ثم اضافة الصلصة وشوحت واضافة الشوربة حتى تغلى
  7. ضيفت الصوص عالكوسة حتى التلت(كان عندى عروق خضرة ضيفتها فى الارضية للطعم)
  8. غطتها بفويل ودخلتها فرن مسخن عالارضية حتى تغلى ثم رفعتها عالرف الاوسط وهديت ١٨٠ حتى تنضج وكشفتها دقايق تاخد لون بسيط
  9. تقدم بالف هنا
  10. ملحوظة استفدت من ناتج التقوير بوضع باقى الحشوة عليهم مع بعض من الخضرة وسقيته من نفس الصوص ووضعته بقالب ينضج مع الكوسة ويقدم بالهنا
عجبتك الوصفة؟
شوف كل وصفاتنا في مكان واحد
كل الوصفات →